Uuministeli ita wu kapopila aanangunga moUnamUuministeli wElongo lyoPobamnda owa popi kutya itawu ka ya moshipala oshiputudhilo shopombanda shoUniversiti yaNamibia opo kashi indike mboka ye na oongunga ya ngashe omakonaakono gawo.
Namibian Sun oya lopota petameko lyomwedhi gwa piti kutya Unam okwa tokola kutya itaka pitika mboka ye na oongunga dhe ya shange omakonaakono muKotomba.
Kuyele nuumvo Unama okwa l ia shunitha pevi iifuta ye yomaishangitho okuza poo -N$3 500 okuya po N$1 500. Shoka osha etitha engwangwano omolwa omapopyo ga ningwa kUuministeli wElongo lyopombanda noyendji oya itaala kutya iifuta yilwe otayi dhimwa po.
Omupopiliko gwoshiputudhilo shoka, John Haufiku okwa popi kutya mboka ye na oongunga dhoshiputudhilo itaya ka pitikwa okushanga omakonaakono. Haufiku okwa popi kutya aailongi oya li ya pewa ompito opo ya kala ya manitha oongunga dhawo dhoka ye na okuya muMei gwonuumvo.
Ngashiingeyi okwa tegelelwa ya kale ya manitha okufuta oongunga dhoka omanga ekonaakono lya hugunina lyokomumvo inali thika. Sho a ningilwa omapulaapulo, amushanga gwUuministeli wElongo lyoPombanda okwa popi kutya yo itaya vulu okutokola kutya Unam na ninge ngiini naamboka ye na oongunga dhe. Uuministeli owa popi kutya wo owali owala waadha etsokumwe naUnam opo a pitike aailongi mboka ye na omikuli ya vule okwiishangitha petameko lyomvula.
Uuministeli owa pula oshiketha shoNamibian Students Financial Assistance Fund (NSFAF) opo futile aailongi ayehe mboka ya piti nawa iilongwa yawo mo-2015 na otaya pumbwa omayambidhidho gopaiyemo.
Aailongi yamwe oya nyenyeta kutya ope na ookoosa dhimwe dhoka ihadhi futilwa koNSFAF.
Aailongi yamwe oya popi kutya aluhe Unam oha ningi omatilitho ihe ohaka etha aailongi ya shange omakonaakono gawo ihe Haufiku okwa popi kutya ngashiingeyi Unam okwiitulamo moshili omolwa oongunga dhoka dhi ninwe kaailongi dha londa pombanda noonkondo sigo opoomiliyona 255 inamu kwatelwa dhaamboka ya thiga po oshiputudhilo.
GORDON JOSEPH