Aakwashigwana otaya holeke aakongo yaali paveta

Aakwashigwana otaya holeke aakongo yaali paveta

Ominista yOmidhingoloko nOmatalelepo, Pohamba Shifeta okwa ningi omutumba gwomauyelele noshigwana kombinga yuukongo woondjamba noompanda. Omutumba ngoka ogwa ningilwa mOngwediva.
Okwa popi kutya aakongo mboka oyeli oshitopolwa shaakwashigwana yaNamibia mboka woo haya holekwa ethimbo limwe kaakwashigwana.
Oonkundathana dhoka odhili oshitopolwa shegandjo lyomauyelele okuza kuuministeli dhoka dha ningilwa mIipindi yaNgwediva mOshitopolwa shaShana. Oonkundathana dhoka odha wayiminwa kOmupanguli-ndjai Martha Imalwa, Omupevi Omukonaakoni gwIilonga mOpolisi yaNamibia, James Tjivikua, Omukomeho gwoIntegrated Rural Development and Nature Conservation, John Kasaona, oshowo omunashipundi gwoSheeya Shuushona Conservancy, Hilda Haipinge.
Pahapu dhaShifeta, oonkundathana dhoka odha totha mo iinima ya simana mboka tayi kwatakanithwa niimbuluma tayi ningilwa iiyamakuti oshowo iinamwenyo ya gamenwa.
Oshigwana osha kumikwa opo shi kale aluhe sha pyakudhukwa okugandja omauyelele molwaashoka oombangi miipotha mboka otadhi kala dha gamenwa.
Omiyalu dha gandja kuuministeli otashi ulike kutya oompanda 125 noondjamba 49 odha dhipagwa omvula ya piti, omanga nuumvo okwa dhipagwa oompanda 37 noondjamba 31.

ELLANIE SMIT