!Naruseb a haluthwa kelando lyepungu okuza pondje Ominista yuunamapya oya popi kutya itashi tambulwa nokwiidhidhimikilwa, shoNamibia ha landa okuza pondje yoshilongo epungu lye lya kalela po oopresenda 50 niikwamausila yilwe, opo a vule okupalutha aakwashigwana ye. Minista Alpheus !Naruseb okwa popi kutya shoka osha nika oshiponga konkalo yuundjolowele oshowo ekalekepo negamenenepo lyoondya moshilongo.
Minista okwa holola omaiyuvo ge pethimbo lyomutumba gwokomvula gwoAgriBusDev, ngoka gwa ningwa oshiwike sha piti. Pethimbo lyomutumba ngoka ehangano olya pititha woo olopota yawo yopaiyemo yokomvula, na!Naruseb okwa pandula ehangano ndyoka sho lye shi pondola okumona iiyemo ya londa pombanda noopresenda 73.4, okuyeleka nolopota yoshikakomvula sha piti.
!Naruseb okwa popi kutya eshuno pevi lyelongo lyepungu moshilongo olya etithwa woo kuupyakadhi womapuka goarmyworms ngoka ga li ga hanagulapo iikunino oyindji yomapungu unene iikunino yaanafaalama mboka aashona naamboka yopokati.
Minista okwa pula opo ku kongwe ekandulepo lyomukundu kuupyakadhi mboka monakuyiwa. Okwa popi kutya etungo lyofakitoli yomausila moShadikongoro otali ka manithwa moshikako shotango shomvula yo 2018/19.
Okwa popi kutya uuna ofakitoli ndjoka ya manithwa, nena aanafaalama otaya kala ye na ongeshefa yi li popepi, mpoka taya vulu okulanditha iilikolomwa yawo.
!Naruseb okwa popi kutya Namibia onkene ta tsikile nokulanda pondje yoshilongo epungu oshowo iikwamausila yilwe, na okwa tsikile kutya shoka oshi li oshinakugwanithwa shepangelo nomahangano gopaumwene noohandimwe opo yiiyunganeke nokuya pamwe momapungulo, ko kuvule okutula kohi yoopoloyeka dhiikunino oohecta dha gwedhwapo 27 000 okuza momvula yo 2030, sho oshilongo shi vule okukala tashi longo epungu lya gwana.
Minista okwa tsikile kutya omapungulo ngoka otaga adhika ngaashi moKavango West, Katima/Liselo moshitopolwa shaZambezi oshowo moNeckartal noTandjieskoppe moshitopolwa sha //Karas Region.
Etseyitho lyaamboka yahala okukutha ombinga otali ka ningwa omathimbo gamwe nuumvo, nopethimbo ndika uuministeli wuunamapya owa tegelela owala emanitho lyoompangela dhoopoloyeka ndhoka okuza kuuministeli wemona, molwaashoka oopoloyeka ndhoka otadhi ka longa pakwatakwathano lyomahangano gepangelo naangoka gopaumwene, pauyelele mboka wa gandjwa kuminista !Naruseb.
ELLANIE SMIT
Minista okwa holola omaiyuvo ge pethimbo lyomutumba gwokomvula gwoAgriBusDev, ngoka gwa ningwa oshiwike sha piti. Pethimbo lyomutumba ngoka ehangano olya pititha woo olopota yawo yopaiyemo yokomvula, na!Naruseb okwa pandula ehangano ndyoka sho lye shi pondola okumona iiyemo ya londa pombanda noopresenda 73.4, okuyeleka nolopota yoshikakomvula sha piti.
!Naruseb okwa popi kutya eshuno pevi lyelongo lyepungu moshilongo olya etithwa woo kuupyakadhi womapuka goarmyworms ngoka ga li ga hanagulapo iikunino oyindji yomapungu unene iikunino yaanafaalama mboka aashona naamboka yopokati.
Minista okwa pula opo ku kongwe ekandulepo lyomukundu kuupyakadhi mboka monakuyiwa. Okwa popi kutya etungo lyofakitoli yomausila moShadikongoro otali ka manithwa moshikako shotango shomvula yo 2018/19.
Okwa popi kutya uuna ofakitoli ndjoka ya manithwa, nena aanafaalama otaya kala ye na ongeshefa yi li popepi, mpoka taya vulu okulanditha iilikolomwa yawo.
!Naruseb okwa popi kutya Namibia onkene ta tsikile nokulanda pondje yoshilongo epungu oshowo iikwamausila yilwe, na okwa tsikile kutya shoka oshi li oshinakugwanithwa shepangelo nomahangano gopaumwene noohandimwe opo yiiyunganeke nokuya pamwe momapungulo, ko kuvule okutula kohi yoopoloyeka dhiikunino oohecta dha gwedhwapo 27 000 okuza momvula yo 2030, sho oshilongo shi vule okukala tashi longo epungu lya gwana.
Minista okwa tsikile kutya omapungulo ngoka otaga adhika ngaashi moKavango West, Katima/Liselo moshitopolwa shaZambezi oshowo moNeckartal noTandjieskoppe moshitopolwa sha //Karas Region.
Etseyitho lyaamboka yahala okukutha ombinga otali ka ningwa omathimbo gamwe nuumvo, nopethimbo ndika uuministeli wuunamapya owa tegelela owala emanitho lyoompangela dhoopoloyeka ndhoka okuza kuuministeli wemona, molwaashoka oopoloyeka ndhoka otadhi ka longa pakwatakwathano lyomahangano gepangelo naangoka gopaumwene, pauyelele mboka wa gandjwa kuminista !Naruseb.
ELLANIE SMIT