Oshikungulu shahanagulapo omagumbo moRundu Aakalimo yomomagumbo goMass Housing Project complex moRundu oya popi kutya eyonagulo ndyoka lya ningilwa omagumbo gawo koshikungulu shoka sha dhenge ondoolopa ndjoka mOmaandaha, otali ulike uupyakadhi wetungo momagumbo gawo ngoka omape.
Ofamili yaantu yatatu oya tembukamo megumo lyawo mongulohi yOmaandaha, konima sho oombuli dhegumbo dha kuthwa ko komvula yoshikungulu. Oshikungulu shoka natango osha etitha polweela oongodhi dholusheno shoka natango sha tula moshiponga oshinene ooyene yomagumbo ngoka. “Oya kanitha iinima ayihe. Oya yi ontuku okuza momagumbo gawo molwaashoka oya li ya tila okumonithwa iiponga. Olusheno olwa yi momudhingoloko aguhe omolwa omakwatathano giikwamalusheno ngoka ga mono omeya,” Fernando Marungo, omushiinda a lombwele oNamibian Sun.
Marungo, ngoka a kutha okavideo nomathanao nkene omagumbo ngoka ga ningilwa eyonagulo okwa pula ongushu yomagumbo ngoka, nokutya olye e na oshinakugwanithwa shokutungulula omagumbo ngoka.
Aakwashigwana oya popi kutya konyala omagumbo gaheyali taga adhika moKaisosi popepi noshiputudhilo dhaUnam oga yonagulwaa. Limwe lyomomagumbo ngoka natango kage na aantu olya yonagulwa koshikungulu shoka. Marungo okwa popi kutya naku ningilwe omapulo kutya omolwashike oonzapo dhemanitho lyiilonga dha shainwa ngele iilonga mbyoka yomatungo gomagumbo ngoka inayi ningwa pamuthika.
Okwa tsikile kutya aakwashigwana oye na uumbanda sho omuloka kwa tegelelwa natango gu tsikile moshitopolwa. “Otashi tilitha. Ndika etameko owala lyomuloka , nongele natango omuloka ogwa tsikile otandi vulu woo okuninga oshihakanwa. Kehe omukalimo ota pula owala kutya uunake tashi mu adha.”
Marungo okwa popi kutya aakwashigwana otaya gandja uusama komalelo oshowo ehangano lyoNamibia Housing Enterprise (NHE), omolwa eyonagulo ndyoka. Okwa tsikile kutya aakwshigwwana otaya pula opo eyonagulo ndyoka li wapalekwe kehangano lyoNHE, lyo li longulule woo oombuli dhomagumbo ngoka omanga aakwashigwana oyendji inaya kanitha omaliko gawo oshowo ekanitho lyoomwenyo.
Sho ya ningilwa omapulo, Omupopiliko gwoNHE, Eric Libongani okwa popi kutya NHE haye we e na oshinakugwanithwa shoMass Housing Project. Omukomeho gwomagumbo muuministeli womayambulepo goondoolopa niitopolwa yomuushayi ina vula okumonika.
JANA-MARI SMITH
Ofamili yaantu yatatu oya tembukamo megumo lyawo mongulohi yOmaandaha, konima sho oombuli dhegumbo dha kuthwa ko komvula yoshikungulu. Oshikungulu shoka natango osha etitha polweela oongodhi dholusheno shoka natango sha tula moshiponga oshinene ooyene yomagumbo ngoka. “Oya kanitha iinima ayihe. Oya yi ontuku okuza momagumbo gawo molwaashoka oya li ya tila okumonithwa iiponga. Olusheno olwa yi momudhingoloko aguhe omolwa omakwatathano giikwamalusheno ngoka ga mono omeya,” Fernando Marungo, omushiinda a lombwele oNamibian Sun.
Marungo, ngoka a kutha okavideo nomathanao nkene omagumbo ngoka ga ningilwa eyonagulo okwa pula ongushu yomagumbo ngoka, nokutya olye e na oshinakugwanithwa shokutungulula omagumbo ngoka.
Aakwashigwana oya popi kutya konyala omagumbo gaheyali taga adhika moKaisosi popepi noshiputudhilo dhaUnam oga yonagulwaa. Limwe lyomomagumbo ngoka natango kage na aantu olya yonagulwa koshikungulu shoka. Marungo okwa popi kutya naku ningilwe omapulo kutya omolwashike oonzapo dhemanitho lyiilonga dha shainwa ngele iilonga mbyoka yomatungo gomagumbo ngoka inayi ningwa pamuthika.
Okwa tsikile kutya aakwashigwana oye na uumbanda sho omuloka kwa tegelelwa natango gu tsikile moshitopolwa. “Otashi tilitha. Ndika etameko owala lyomuloka , nongele natango omuloka ogwa tsikile otandi vulu woo okuninga oshihakanwa. Kehe omukalimo ota pula owala kutya uunake tashi mu adha.”
Marungo okwa popi kutya aakwashigwana otaya gandja uusama komalelo oshowo ehangano lyoNamibia Housing Enterprise (NHE), omolwa eyonagulo ndyoka. Okwa tsikile kutya aakwshigwwana otaya pula opo eyonagulo ndyoka li wapalekwe kehangano lyoNHE, lyo li longulule woo oombuli dhomagumbo ngoka omanga aakwashigwana oyendji inaya kanitha omaliko gawo oshowo ekanitho lyoomwenyo.
Sho ya ningilwa omapulo, Omupopiliko gwoNHE, Eric Libongani okwa popi kutya NHE haye we e na oshinakugwanithwa shoMass Housing Project. Omukomeho gwomagumbo muuministeli womayambulepo goondoolopa niitopolwa yomuushayi ina vula okumonika.
JANA-MARI SMITH