TUN a hala elelo lyoNSFAF li tidhwe Ehangano lyoTeachers Union of Namibia olya taambako etokolo lyepangelo opo oshiketha shoNamibia Students Financial Assistance Fund (NSFAF) shi shunwe mepangelo nokukala oshitopolwa shUuministeli wElongo lyoPombanda.
Oshiwike sha piti, Ominista yElongo
Itah Kandjii Murangi, okwa koleke kutya oya tokola opo NSFAF ka kale we oshiputudhilo shiithikamena sha yama kepangelo nopehala oshiketha shoka shi shunwe muuministeli sha landula oolopota dhuulingilingi nekano lyiimaliwa okuza moshiketha shoka. NSFAF okwa totwa po mo 1997 opo a kale ta gandja omakwatho giimaliwa yokwiilonga kaailongi miiputudhilo yopombanda.
Amushanga gwoTUN, Mahongora Kavihuhua okwa pula epangelo opo kali kuthe po aakomeho yoshiketha shoka molwaashoka kaye na oshilonga.
Okwa popi kutya aakomeho mboka itaya vulu okulela oshiketha shoka molwaashoka oya ndopa nale okushininga, sho ya ndopa okugandja omakwatho kaailongi nokugandja uumbangi kutya oya longitha ngiini iimaliwa yoshiketha shoka.
Omutseyinawa gwoomilandu dhopashigwana, Graham Hopwood okwa holola kutya ope na ompumbwe onene yokulundulula omapangelo miiputudhilo yepangelo. Okwa holola woo onkalo ndjoka ya kala ya taalela nale oshiketha shoka omanga sha li oshitopolwa shuuministeli, ta popi kutya ina yelelwa ngele okushunitha muuministeli oshiketha shoka otashi ka kandulapo uupyakadhi mboka wuli po.
Kashi shi oshikando shotango elelo lyoshiketha shoka tali pulwa opo li kuthwe miilonga. MuNovemba oshifokundaneki shoThe Villager newspaper osha lopota kutya oshilyo shongundu yoRally for Democracy and Progress, Mike Kavekotora osha pula opo elelo lyoshiketha shoka li kuthwe miilonga.
Onkalo yiilonga yuulingilingi oya dhigupala moshiputudhilo shoka nomo 2016, nokomisi yoACC oshowo Uuministeli wIiputudhilo yEpangelo oyali ya pulwa opo yi ningile omakonaakono oshiputudhilo shoka.
Omvula oyo tuu ndjoka, okwa hololwa kutya oshiputudhilo shoka osha ndopa okuulika oondokumende ndhoka tadhi holola kutya oya gandja omakwatho giimaliwa kaaiilongi.
Omvula ya piti, oshifokundnaeki shoNamibia Sun osha lopota kutya NSFAF okwa pyakudhukwa okugandja omakwatho giiyemo yokwiilonga kaailongi 16 669 mboka ya gwanitha po iipumbiwa yokuninga omaindilo gokumona omakwatho ngoka pokati ko 1997 no 2010, naailongi mboka oya ndopa okushunitha iimaliwa mbyoka yali ya kwathelwa.
Omakwatho ngoka ogongushu yoomiliyona dhaNamibia 479.
Oshiputudhilo osha ulike ehangano lyokugongela oongunga, opo li kwathee oshiputudhilo shoka mokugongelako ongunga dhoka dhiniwe kaiilongi.
JEMIMA BEUKES
Oshiwike sha piti, Ominista yElongo
Itah Kandjii Murangi, okwa koleke kutya oya tokola opo NSFAF ka kale we oshiputudhilo shiithikamena sha yama kepangelo nopehala oshiketha shoka shi shunwe muuministeli sha landula oolopota dhuulingilingi nekano lyiimaliwa okuza moshiketha shoka. NSFAF okwa totwa po mo 1997 opo a kale ta gandja omakwatho giimaliwa yokwiilonga kaailongi miiputudhilo yopombanda.
Amushanga gwoTUN, Mahongora Kavihuhua okwa pula epangelo opo kali kuthe po aakomeho yoshiketha shoka molwaashoka kaye na oshilonga.
Okwa popi kutya aakomeho mboka itaya vulu okulela oshiketha shoka molwaashoka oya ndopa nale okushininga, sho ya ndopa okugandja omakwatho kaailongi nokugandja uumbangi kutya oya longitha ngiini iimaliwa yoshiketha shoka.
Omutseyinawa gwoomilandu dhopashigwana, Graham Hopwood okwa holola kutya ope na ompumbwe onene yokulundulula omapangelo miiputudhilo yepangelo. Okwa holola woo onkalo ndjoka ya kala ya taalela nale oshiketha shoka omanga sha li oshitopolwa shuuministeli, ta popi kutya ina yelelwa ngele okushunitha muuministeli oshiketha shoka otashi ka kandulapo uupyakadhi mboka wuli po.
Kashi shi oshikando shotango elelo lyoshiketha shoka tali pulwa opo li kuthwe miilonga. MuNovemba oshifokundaneki shoThe Villager newspaper osha lopota kutya oshilyo shongundu yoRally for Democracy and Progress, Mike Kavekotora osha pula opo elelo lyoshiketha shoka li kuthwe miilonga.
Onkalo yiilonga yuulingilingi oya dhigupala moshiputudhilo shoka nomo 2016, nokomisi yoACC oshowo Uuministeli wIiputudhilo yEpangelo oyali ya pulwa opo yi ningile omakonaakono oshiputudhilo shoka.
Omvula oyo tuu ndjoka, okwa hololwa kutya oshiputudhilo shoka osha ndopa okuulika oondokumende ndhoka tadhi holola kutya oya gandja omakwatho giimaliwa kaaiilongi.
Omvula ya piti, oshifokundnaeki shoNamibia Sun osha lopota kutya NSFAF okwa pyakudhukwa okugandja omakwatho giiyemo yokwiilonga kaailongi 16 669 mboka ya gwanitha po iipumbiwa yokuninga omaindilo gokumona omakwatho ngoka pokati ko 1997 no 2010, naailongi mboka oya ndopa okushunitha iimaliwa mbyoka yali ya kwathelwa.
Omakwatho ngoka ogongushu yoomiliyona dhaNamibia 479.
Oshiputudhilo osha ulike ehangano lyokugongela oongunga, opo li kwathee oshiputudhilo shoka mokugongelako ongunga dhoka dhiniwe kaiilongi.
JEMIMA BEUKES