Iingangamithi niinima ya yakwa ya adhika mohauto mu na aapolisi Opolisi yaShana oya tindi omapopyo kutya aanambelelwa yopolisi yaali yomOndangwa oya li mohauto ya humbata iingangamithi oshowo iinima ya yakwa.
Mboka oyeli oshitopolwa shaantu yatatu yali mohauto ndyoka ya kankamekwa kopolisi peinda lyopolisi ndyoka lya ningwa mOndangwa oshiwike sha piti. Mbaka oya Ii ya falwa kosasiyona yopolsi, ihe omuhingi okwa tulwa mondjeedhililo omanga aanambelewa mboka yaali ya mangululwa.
Oshifokundaneki shoNamibian Sun osha nothelwako kutya aanambelewa mboka ya tula aalumentu mboka miipandeko, oya pewa elombwelo kaanambelewa yopombanda opo ya mangulule aanambelewa mboka.
Omupeha Komufala, Hilja Haipumbu okwa koleke kutya mohauto ndjoka omwa li aantu yatatu nomuhingi okwa tulwa miipandeko, ihe okwa tindi omapopyo kutya yaali yomaalumentu ya Ii mehauto ndyoka, aanambelewa yopolisi.
“Mohauto moka mwa li aalumentu yatatu omwa adhika iinima ya yakwa oshowo iingangamithi yocannabis. Iinima mbyoka ya yakwa omwa kwatelwa iinguma yokombete nomicrowave na oya yakwa pethimbo kwa tewa uuflat woBon Vida. Otwa tula owala miipandeko omuhingi omanga tatu konaakona aafaalelwa yaali,” Haipumbu ta ti.
Omanga omunambelewa omupopiliko gwopolisi iipyakidhila niikundaneki pOsasoyona yopolisi mOndangwa, omuhingi ngoka a tulwa miipandeko okwa nyenyetele aapolisi mboka ye mu mangapo kutya iinima mbyoka ya adhika mehauto lye oyaanambelewa yopolisi mboka a li nayo.
Sho a pulwa kutya omolwashike omuhingi oye owala a mangwapo, Haipumbu okwa popi kutya otaya konaakona aantu mboka yaali ya li mehauto nomuhingi.
Haipumbu okwa popi kutya iingangamithi mbyoka ya adhika mehauto ndyoka oyoogram 90, yongushu yooN$270. Nakutulwa miipandeko okwa holola mompangulilo yaMangestrata gwaNdangwa ohela.
ILENI NANDJATO
Mboka oyeli oshitopolwa shaantu yatatu yali mohauto ndyoka ya kankamekwa kopolisi peinda lyopolisi ndyoka lya ningwa mOndangwa oshiwike sha piti. Mbaka oya Ii ya falwa kosasiyona yopolsi, ihe omuhingi okwa tulwa mondjeedhililo omanga aanambelewa mboka yaali ya mangululwa.
Oshifokundaneki shoNamibian Sun osha nothelwako kutya aanambelewa mboka ya tula aalumentu mboka miipandeko, oya pewa elombwelo kaanambelewa yopombanda opo ya mangulule aanambelewa mboka.
Omupeha Komufala, Hilja Haipumbu okwa koleke kutya mohauto ndjoka omwa li aantu yatatu nomuhingi okwa tulwa miipandeko, ihe okwa tindi omapopyo kutya yaali yomaalumentu ya Ii mehauto ndyoka, aanambelewa yopolisi.
“Mohauto moka mwa li aalumentu yatatu omwa adhika iinima ya yakwa oshowo iingangamithi yocannabis. Iinima mbyoka ya yakwa omwa kwatelwa iinguma yokombete nomicrowave na oya yakwa pethimbo kwa tewa uuflat woBon Vida. Otwa tula owala miipandeko omuhingi omanga tatu konaakona aafaalelwa yaali,” Haipumbu ta ti.
Omanga omunambelewa omupopiliko gwopolisi iipyakidhila niikundaneki pOsasoyona yopolisi mOndangwa, omuhingi ngoka a tulwa miipandeko okwa nyenyetele aapolisi mboka ye mu mangapo kutya iinima mbyoka ya adhika mehauto lye oyaanambelewa yopolisi mboka a li nayo.
Sho a pulwa kutya omolwashike omuhingi oye owala a mangwapo, Haipumbu okwa popi kutya otaya konaakona aantu mboka yaali ya li mehauto nomuhingi.
Haipumbu okwa popi kutya iingangamithi mbyoka ya adhika mehauto ndyoka oyoogram 90, yongushu yooN$270. Nakutulwa miipandeko okwa holola mompangulilo yaMangestrata gwaNdangwa ohela.
ILENI NANDJATO