Oshipotha shedhipago lyomoSwakopo shuundulilwa komeho

Oshipotha shedhipago lyomoSwakopo shuundulilwa komeho Oshipotha shedhipago neteyo lyegumbo nelalakano lyomuyeka kwahomatiwa shoka sha etitha edhipago lyomunamimvo 79, Roswitha Strzelecki osha undulilwa komasiku 26 gaSepetemba.

Aafekelwa moshipothha shoka oDaniel Nghilifa (26), Simon Shidute (23) naFabian Lazarus (24).

Mboka oya holoka komeho yompangu oshikando shotango mEtitao ya piti, mompangulilo yaMangetrata moSwakopo.

Mangestrata Jorina Jagger okwa undulile komeho oshipotha shoka opo aatamanekwa ya vule okukonga aakalelipo yopaveta.

Pethimbo lyepwaakeno lyoshipotha shoka, omukalelipo gwepangelo moshipotha shoka Dalon Quickfall okwa popi kutya aatamanekwa otaya vulu oku ninga eindio lyomboloha ngele oya hala, nonando epangelo otali ka tinda opo ku gandjwe omboloha ndjoka manga.

Aatamanekwa ayehe yatatu oya popi kutya kutya otaya ka ninga eindilo lyaalalelipo yopaveta.

Pauyelele mboka wa gandjwa komunambelewa Omukwatakanithi gwiimbuluma mErongo, Omupeha Komufala, Erastus Iikuyu okwa popi kutya oshimbuluma shoka osha longwa pokati kotundi onti- 08:00 no- 09:00, mEtitatu lyoshiwike sha piti, sho aatamanekwa yiiteyele megumbo lyaStrzelecki mepandanda e ti- 33 Richthofen moVineta moSwakopo.

Eiteyelo megumbo ndyoka olya etitha eso lyomunamimvo 79 Roswitha Sieglinde Strzelecki. Omusamane gwe omunamimvo 81 Siegfried Paul Strzelecki, okwa dhengwa koongangala na okuli monkalo ohwepo moshipangelo.

Ongodhi yopeke yoHuawei yongushu yooN$8 000, okaremote ko alarm, oongaku dhanakusa oshowo iimaliwa yooN$1 000 oya adhika naDaniel Stefanus Nghilifa pethimbo a tulwa miipandeko.

Iikuyu okwa popi kutya iinima mbyoka ya yakwa oya monika pethimbo sho a kambadhala okuya ontuku okuza moSwakopo.

ADOLF KAURE