Omuprima a pula engungumano moshigwana

Image may be NSFW.
Clik here to view.Omuprima a pula engungumano moshigwanaImage may be NSFW.
Clik here to view. Omuprima minista gwaNamibia okwa pula oshigwana opo shi kale sha ngungumana sho kwa tegelelwa ku ningwe omutumba gwopashigwana gwoonkundathana dhevi nuumvo.

Omuprima Saara Kuugongelwa-Amadhila okwa popi ngaaka pethimbo kwa patululwa pambelewa omauliko giipindi goKatutura Expo ngoka ga manithwa mEtine lya piti. Kuugongelwa-Amadhila, okwa popi kutya nonando oshikumungu shevi moshilongo oshi li oshinima oshinene, engungumano olya pumbiwa moshigwana uuna taku kundathanwa iikumungu yevi moshigwana. Omuprima okwa popi kutya ethimbo olya thikana nepangelo oli wete kutya osha simana opo ku ningwe oonkundathana dhopashigwana kombinga yevi.

Pethimbo a gandja oshipopiwa she shopashigwana nuumvo, Omupresidende Hage Geingob naye okwa ppopi kutya oshikumungu shevi oshinina oshinene na Kuugongelwa-Amadhila, pula woo engungumano.

Geingob okwa popi kutya itaku kiidhidhimikilwa mboka itaya iyutha koompango, naakwashigwana ayehe naya landule oompango dhoka dhi li miilonga.

Pethimbo kwa tulwa miilonga omutumba ngoka, uuministeli owa popi kutya sho oshilongo sha manguluka epangelo olya kutha ko evi lyuunene woohecta oomiliyona 36.2 ndhoka dha kuthwa momake gaanafaalama ya thika po 4 664 oshowo oofamili dha thika po- 150 000 ndhoka dha kala moshitopolwa shevi lyoohecta oomiliyona 33.5 mevi lyaayehe. Uuministeli owa popi kutya oofaalama owala 181 dha kala momake gaanafaalama aaludhe.

Uuministeli owa tsikile kutya owa mono oofaalama 502 dhuunene woomiliyona 3.1 dhomoomiliyona 5 dhoka dha pumbiwa okupitila moprogramma yo 'willing seller, willing buyer' kongushu yoshimaliwa shoobiliyona 1.7.

Oofamili dha thika 5 231 odha tulululwa moofaalama ndhoka.

Okupitila moAffirmative Action Loan Scheme programme oohecta dhevi dha thika poomiliyona 3.4 odha monika kongushu yoomiliyona 762. Omutumba gwevi otagu pangelwa okuningwa momwedhi twa taalela.

OGONE TLHAGE