Oominista dhaSA dha pulwa dhi katuke oonkatu moshikumungu shaMaya naPaula

Oominista dhaSA dha pulwa dhi katuke oonkatu moshikumungu shaMaya naPaula JANA-MARI SMITH



OVENDUKA

Ongundu yoSouth African Democratic Alliance (DA) otayi pula pula uuministeli womatembu nomakwatathano gopaigwagwana moSouth Africa opo wu katuke oonkatu omolwa etindo lyaNamibia okupitika oohanana dhaakwana Maya naPaula Delgado Lühl dhi ye moNamibia.

Momukanda gwa pitithwa mEitano lya piti kuDarren Bergman, okwa pula uuministeli mboka wu katuke oonkatu wiikwatelela komilandu dhawo dhegameno lyuuthemba womuntu menenevi Africa.

Okwa popi kutya etindo lyaNamibia okugandja omikanda dhomalweendo koohanana dhoka mbali dhomukwashigwana gwaNamibia, Phillip Lühl oshowo omusamane gwe omukwashigwana gwaMexico Guillermo Delgado oshil li e yo pondje lyuuthemba womuntu.

Okwa tsikile kutya etindo lyaNamibia okugandja omikanda koohanana dhoka dha valelwa moSouth Africa, oshi li omulandu gwokatongo ngoka inagu taamba oondjokana dhaantu yuukashike kookantu wa faathana.

Okwa popi kutya oohanana dhoka odha pewa oonzapo dhomavalo dhaSouth Africa nevalo lyawo olya kolekwa kOmpangu yoPombanda yaSouth Africa ndjoka ya zimine aavali yaanona mboka kutya aalumentu mboka yaali.

Bergman okwa pula opo Naledi Pandor, ominista yomakwatathano gopaigwana oshowo ominista yiikwameni nomatembu, Aron Motsaelidi ya katuke oonkatu mokuyambidhidha ofamili ndjoka, opo ku hulithwepo okatongo taka ningwa neyopondje lyuuthemba womuntu.

Olugodhi lwopaveta lwaLühl okweeta oyana moshilongo hasho oshikando shotango mOmpangu yoPombanda yaVenduka. Natango oya tegelela etokolo moshipotha moka ta pula omonamati Yona a pewe uukwashigwana sho a valelwa moSouth Africa oomvula mbali dha piti natango.

Moshipotha shimwe, Delgado okwa yi kompangu omvula ya piti, konima sho a li a pulwa athigepo Namibia muule wethimbo efupi, konima sho sha monikamo kutya okwa hokanwa komulumentu.

Nonando okwa pitikwa a galuke, aahokanathani mboka yaali oya yi kompangu sho a tindilwa uuthemba wuukwashigwana waNamibia pandjokana. Ngashiingeyi okuli moNamibia papitiko lyomukanda gwiilonga.

Moshipotha sh ina sha noohanana dhawo, omupanguli Thomas Masuku otaka ninga etokolo momasiku 19 gaApilili.

Uuministeli womatembu owa pititha omukanda mEtitano tawu tindi kutya etindo lyokugandja omikanda dhoka oshi li okatongo.