Omukokele a tindi ondjo mekwatonkonga

Omukokele a tindi ondjo mekwatonkonga LEANDREA LOUW

OMBAYE



Omukokele ngoka a tseyika nawa mOmbaye okwa holoka mompangulilo yaMangetrata gwaMbaye mEtine lyoshiwike sha piti, komeho yamangestrata John Sindano na ota tamanekelwa ekwatonkonga lyokatekulu ke iikando yontumba pokati kaMaalitsa naNovemba gwomvula yo 2020.

Omutamanekwwa okwa tulwa miipandeko muDesemba gwomvula ya piti, sho okanona hoka ka lombwele kuume kako, ngoka e kape omayele opo ka lombwele omulongi gwako, ngoka a tseyithile opolisi noshipotha osha patululwa. Omutamanekwa nale okwa li a kalelwa po kuRay Rukoro gwoENS Africa Namibia, ihe ngashiingeyi ota kalelwapo koLorentz Angula Incorporated. Omufali gwiihokolola kompangu gwepangelo, Annakleta Kandjimi okwa pula oshipotha shuundulilwe komasiku 23 gaJuni opo ku vule okukaningwa etokolo komupangulindjai, neindilo lye olya taambwako. Omutamanekwa ota kala mondjeedhililo.

Omwedhi gwa piti, omutamanekwa okwa ningi eindilo lyomboloha ndyoka lya tindi kumangestrata oye tuungoka.

leandrea@republikein.com.na