Ekanka lyaalongi nali yandwe - Ombudsman John Walters gwOmbudsman okwa popi kutya oonkundathana pokati kepangelo naakalelipo yaalongiskola nadhi kambadhalwe natango opo ku yandwe ekanka lyaalongi.Okwa indile koongundu adhihe dhok ambali kutya inaku toka natango noku adha etsokumwe moshikumungu shoka
Walters okwa popi kutya uuthemba welongo lyaanona owuna ondjundo unene okuyeleka nuuthemba waalongi okukutha ombinga mekanka. Okwa popi kutya sho aanona yoskola naavali inaya tseyithilwa sha moshikumungu shoka, kashi li mondjila.
“Ondiinekela kutya aavali oya li ya pumbwa okupopiwa nayo nokukundathanwa nayo moonkundathana adhihe dhoka. Aanona nayo oya pumbwa okupewa ompito opo ya holole omaiyuvo gawo kombinga yekanka ndyoka.”
Okwa holola kutya oku wete kutya aavali oyali ya pumbwa okupopiwa nayo petameko oshowo sho inaku adhika etsokumwe.
“Nonando ongaaka shoka itashi ti kutya aalongi naya longe moonkalo dha nayipala, moonguluskola dhuudha noonkondo oshowo ya taalela ompumbwe yiikwathitholongo. Oya pumbwa woo omahala gokuza geli pa amuthika,” Walters ta ti. Omunashipundi gwoLaw Reform and Development Commission, Yvonne Dausab, okwa popi kutya epangelo itali pitikwa kompango opo li pingenepo aaniilonga kakele ongele aaniilonga nale inaya hala okukutha ombinga mekanka oyo owala taya vulu okulonga.
Omukwaveta ngoka okwa popi kutya mboka taya ka mona iihuna uunene omolwa ekanka ndika, aanaskola.
JEMIMA BEUKES