Aalongiskola taya pingenwa po naaNigeria Epangelo olya koleke kutya olya pangela okweeta moshilongo aalongiskola yaaNigeria oyo ya pingenpo aalongiskola yaandjetu mboka taya kutha ombinga mekanka.Uuministeli wElongo momasiku 30 gaSepetemba owa opula aakomeho yelongo miitopolwa opo ya yamukule ngele ope na ompumbwe yaalongi mboka aaNigeria.
Aalongiskola otaya pula omagwedhelo goopresenda 8 omanga epangelo lya pyaakudhukwa owala okuya gwedhela noopresenda 5.
Kwiikwatelelwa kuamushanga gwelongo, Sanet Steenkamp, aalongiskola mboka aayiyambi otaya ka kwathela onga oshitopolwa shetsokumwe lyoTechnical Aid Corps (TAC) ndyoka lya shainwa kuNamibia naNigeria mo-2007.
Steenkamp okwa yelitha kutya epangelo lyaNamibia olyo tali ka kala nokusila oshipwiyu aalongi mboka nokufuta iifuta yawo yiipumbiwa yakehe esiku.
Monena Namibia okuna aaiyambi mboka ya thika po-17 taya longo iilongwa ngaashi elaka lyOshiingilisa, omwaalu, uunongononi mIitopolwa ngaashi Hardap, Kunene, Omusati, Otjozondjupa noKavango East.
Esiku lya hugunina lyiitopolwa opo yi gandje maymukulo gawo omasiku 30 gaKotomba. Epangelo olya nyanwa koyendji omolwa etokolo ndyoka. Ontopolwa onti 76(b) yEkotampango lyAaniilonga inayi utha omugandji gwiilonga a pingenepo omuniilonga ngoka e li mekanka.
Epangelo olya li lya ningi eindilo lyompangu, opo ku kalekwe ekanka ndyoka tali pangelwa okuningwa kaalongi.
JEMIMA BEUKES