Omauliko giipindi mEenhana nOlufuko ga kalekwa

Omauliko giipindi mEenhana nOlufuko ga kalekwa NAMPA

EENHANA



Omauliko giipindi mondoolopa yEenhana oga kalekwa nuumvo omolwa ombuto yocoronavirus, pauyelele mboka wa gandjwa kumayola gwondoolopa ndjoka, Amos Nangolo.

Pethimbo kwa tulwa miilonga omutengenekwathaneko gwelongitho lyiimaliwa mondoolopa ndjoka gwongushu yoomiliyona 92.1, Nangolo okwa yelitha kutya ekaleko olya ningwa omolwa ombuto ndjoka

Mayola okwa popi kutya oya kala taya pangele okuninga omauliko gawo omati 13 nuumvo, ihe omolwa ombuto ndjoka ya tukuka omauliko oga kalekwa. Shito omauliko ngoka ohaga ningwa muJuli.

Mayola gwondooloa yaOutapi, Selma Asino pankundatha dhopangodhi dhoka a ningwa naye noNampa, okwa popi kutya nuumvo itaya vulu okuninga oshituthi shOlufuko omolwa ocorona virus.

Asino okwa popi kutya kuume koshituthi shoka, omukokoli presidende Sam Nujoma okwa tseyithilwa na okwa zimine omauliko ngoka ga kalekwe.