Omulumentu i imangelekele mondjeedhililo 0 Omulumentu gwoomvula 34 okwiimangelekele mondjeedhililo yopolisi yaNdangwa, konima sho a tulwa miipandeko omolwa oshipotha shokutsa omukadhona gwe nombele iikando 14, sha landula oontamanana dheetithwa kokondoma ndjoka ya kana.Oshiningwanima osha kolekwa kuKomanda gwOpolisi yaShana, Komufala Rauha Amwele.
Amwele okwa popi kutya edhina lyomulunentu ngoka itali vulu okuhololwa molwaashoka family ye inayi tseyithilwa natango, ihe okwa popi kutya okwa tulwa miipandeko ongulohi yOsoondaha, konima sho atsu nombele omukadhona gwe Petrina Thomas omunamimvo 26.
Omulumentu okwa li kwa tegelelwa a holoke mompangulilo mOmaandaha.
Thomas okuli moshipangelo shaNandjokwe ihe opolisi itayi vulu okukolela kombinga yonkalo moka e li. Oshifo shoNamibian Sun osha nothelwako kutya okwa li omuniilonga kokastola keli popepi nOmudhingoloko gwaMashaka mOndangwa.
Oshiningwanima shika osha ningilwa mondunda ye ndjoka ha hiila mOmashaka, mOndangwa.
Pahapu dhopolisi, anuwa omumati gwe okwa yi kuye ongulohi ndjoka ihe oya tameke taya nyenyeta omolwa okondoma ndjoka kayi mo mondunda, ya li ya thigwa mo komumati gwe ongulohi ya piti.
Sho omukadhona ina vula okugandja omayamukulo kutya okondoma ndjoka oya yi peni, omumati okwa kutha ombele na okwe mu tsu iikando ya thika po-14.
Okwa tulwa miipandeko ongulohi oyo tuundjoka.