SPYL ina hala uuthemba womashenge 0 Momukanda ngoka gwa pitithwa koSwapo Party Youth League (SPYL) mEtiyali, ewawa lyaanyasha mOngundu yoSwapo olya popi kutya taya popile uuthemba womashenge.Sho a popi pehala lyoSPYL, noshifokundaneki shoNamibian Sun, Sam Hamupolo okwa popi kutya uuthemba woomuntu itawu yelekwa nuuthemba womashenge.
Omatumbulo ngoka otaga pataneke omapopyo ga ningwa nale kewawa ndyoka sho lya li lya pula opo aakwashigwana ayehe ya simaneke uuthemba womuntu mboka tawu adhika mEkotampango lyoshilongo.
Hamupolo okwa popi kutya oyendji yomaaNamibia AaKriste na itaya popile uushenge.
Okwa tsikile kutya SPYL ke tonde omahenge molwaashoka ogeli aamwayinamati naakiintu ihe itaya popile onkalo ndjoka omashenge ga hala okupewa uuthemba nokukala ga manguluka okuulika uushenge moshilongo.
Hamupolo okwa nyana woo mboka ya hala kupitikwe oondjokana dhomashenge.
“Omulumentu nomukiintu oya shitwa ya kale pamwe, nOmbiimbeli otayi shi popi. Otse oolye tu kale ompinge nohapu yOmbiimbeli.
Okwa popi woo kutya inaya pandula oonkambadhala dhIigwana yaHangana sho ya hala ku pitikwe uuthemba womashenge moshilongo.