Aantu ayehe naya kuthe ombinga mOmutumba gwEvi-ELCRNEhangano lyoEvangelical Lutheran Church in the Republic of Namibia (ELCRN) olya pula UUministeli wOmatulululo gEvi wu kwatelemo aakuthimbinga ayehe momalongekidho gwomutumba gwevi ngoka kwa tegelelwa guningwe. Epangelo olyo alike itali vulu okuungaunga noshikumungu shevi ELCRN okwa popi momukanda gwiikundaneki kombinga yomatokolo ga ningwa momutumba gwelelo lye ngoka gwa ningwa momasiku 19 gaAguste nuumvo. Okwa holola kutya etokolo limwe lya ningwa, opo aakuthimbinga ayehe moshikumungu shevi mwakwatelwa oongeleka nomahangano gopashigwana ga kuthe ombinge melongekidho lyomutumba gwevi.Lyopokati mpoka omahangano ge na sha niikumungu ya guma oshigwana otaga ka tseyithwa kombinga yetamekitho lyiigongi naakwashigwana miitopolwa ayihe moshilongo mokiilongekidhila Omutumba Omutiyali gwEvi moshilongo ngoka tagu pangelwa okuningwa muNovemba.
Omitumba dhoka otadhi ka ningwa kohi yondunda yoNamibia Non-governmental Organisations Forum (Nangof).
ELCRN okwa popi kutya iputudhilo yopombanda moshilongo oshowo omahangano gokuninga omapekaapeko nago ga kwatelwemo nokupitika ga kuthe ombinga. Elelo lyoongeleka olya holola kutya oli wete kutya aanambelewa yuuministeli itaya vulu okwiivongokonona yoyene nokutala kutya oya longa ngiini iilonga yawo.
ELCRN Desk for Social Development otayi ka pewa pshinakugwanithwa shokuhwahwameka ekuthombinga lyoELCRN okupitila moWorking Committee on Land reform ndjoka ya totwapo konima yoTabitha National Workshop.
Elelo lyongeleka olya pula omupresidende gwaNamiba a gandje e lombwelo omolwa omaihumbato gonayi ngoka ga etitha kwiindikwe omuhwahwameki gwevi Sululu Isaacks, opo ka fumbikwe mofaalama yomatulululo opo etokolo ndyoka li kuthwe oonkondo sigo oshikumungu sholudhi ndoka sha kandulwa po pethimbo lyomutumba ngoka kwa tegelelwa guningwe.
ELCRN okwa popi woo kombinga yonkalo yoshikukuta ndjoka ya guma oshigwana konyala miitopolwa ayihe yoshilongo na oya pula epangelo li kaleke manga ooprograa dhilwe ko ku vule okukandulwa po uupyakadhi woshikukuta nokugandja omakwatho.
Ongeleka oya pula woo oshikondo shopaumwene naakengeli moshilongo oya kale nokugandja omayambidhidho kaakwanaluhepo.
Kombinga yoshikumungu shomadhipagago gakiinahenda ga ningwa pethimbo lyuukoloni waNdowishi noonkundathana pokati kaNamibia naGermany, elelo ndyoka olya gandja omagwedhelelo po opo evi ndyoka tali popiwa li topolwe mokati kakwashigwana mboka ya gumwa na oyali ya kuthwa evi lyawo .
FRED GOEIEMAN