Omageelo ga yaga komuntu kaakongoNonando opolisi oya kala tayi ningi iipalanyolo iinene miikundaneki kombinga yaakongo yaali paveta, okwa tokolwa opo ooveta dhi lundululwe opo ku vule okugandjwa omageelo omanene kwaamboka taya ka monika ondjo miipotha yuukongo wiiyamakuti. Epangelo onkene tali kondjitha uukongo waali paveta Oshiwike sha piti, aantu ya thika po-10 oya tulwa miipandeko sho ya adhika niilyo yiiyamakuti mbyoka ya gamenwa.Omatulo miipandeko ngoka oga ningwa pethimbo ndyoka omahwahwameko geli ompinge nuukongo mboka ga hulu mEtosha National Park.
Omahwahwameko ngoka oga kala miilonga okutameka momasiku ga-6 gaJuni sigo 31 gaAguste nomuule wethimbo ndyoka aakongo ya thika po-15 oya tulwa miipandeko.
Mayola-Ndjai gwIilonga mOpolisi yaNamibia, James Tjivikua, okwa tseyitha etulo miipandeko ndyoka lya ningwa omasiku ngaka ta popi kutya ooniga dhoompanda ndatu, iifufuta inayi shangithwa 7 oshowo iikuti noshiyenditho shimwe oya kwatwako.
Okwa popi kutya pokati kaJuli naAguste okwiitsuwa oompanda dha sa dha thika po-33 mEtosha nomakonaakono oga ulike kutya 25 odha dhipagwa kaakongo. Okwa popi kutya otaku ka ningwa omakonaakono ku talike kutya oompanda dhoka otadhi kwatakanithwa nooniga 14 dhoka dha kwatwako nuumvo.
Momudhingoloko gwaPalmwag omwa adhika oompanda 6 dha sa.
Okwa tulwa miipandeko omuntu gumwe ngoka a adhika e na ondjembo kayi na oombapila, omanga yatatu ya tulwa miipandeko sho ya adhika nomageyo goondjamba. Mosoondaha ya piti okwa tulwa miipandeko aantu yane mboka yaadhika noondjembo dhaana oombapila na oya tulwa miipandeko pethimbo yaadhika yuuka mEtosha.
Pahapu dhUuministeli wOmidhingoloko nOmatalelepo,
Aatamanekwa mboka ohaya kala ya homata nopolisi ohayi longo nuukeka opo ku yandwe etiko lyombinzi pethimbo lyetulo miipandeko.
Metitano, aatamanekwa yane oya tulwa miipandeko konima sho ompanda onduudhe ya dhipagwa pErindi Game Reserve.
Metine lya piti natango aantu yaali oya tulwa miipandeko sho yaadhika nooniga dhoompanda moRundu.
Minista Pohamba Shifeta okwa pandula omatulo miipandeko ngoka ga ningwa oshiwike sha piti, ta popi kutya ngele Namibia osho ta tsikile ngaaka nena elyenge lyuukongo mboka otali ka tewa po.
Shifeta okwa popi kutya otaya ka nkondopeka elongelo kumwe lyawo nOpolisi oshowo Etanga lyEgameno nokugandja omadheulo opo ku kwashilipalekwe kutya iimbuluma mbyoka oya yiwa moshipala.
ELLANIE SMIT