Redimere Akademie: Die hart van Tsumeb

Redimere Akademie: Die hart van Tsumeb16 leerlinge per graad By ‘n topskool in die Noorde word ook vir leerlinge met verskeie leerprobleme voorsiening gemaak. Michelline Nawatises

Redimere Akademie is 'n privaat skool op Tsumeb wat ook vir leerlinge met leerprobleme soos disleksie voorsiening maak.

Die skool was voorheen bekend as El Shaddai en is in Januarie 2013 deur me. Jolene Nel gestig met net een leerling en ‘n onderwysers.

Die woord “redimere” is Italiaans vir “verlosser” en die skool se naam is gekies deur een van die graad 12-leerlinge van 2018. Die skool het ‘n projek van stapel gestuur waarby alle leerlinge betrokke was om op ‘n naam te besluit.

Die hoofrede waarom die skool gestig is, was om kinders met leergestremdhede te help. Die sukses wat die studente gevolglik behaal het, het ander ouers bereik en die skool het aansienlik uitgebrei. Die “hart van Tsumeb” het ook vier klubs, naamlik vir drama, debat, skaak en dans.

Redimere Akademie maak voorsiening vir leerlinge in preprimêr tot 12 en volg die Cambridge-sillabus vir hoër onderwys. Die skool se visie is duidelik gefokus op die leerlinge se “reis” van die eerste graad totdat hulle hul skoolbaan voltooi het.

Redimere Akademie het nie ? hoofseun en –meisie, maar net een hoofprefek en haar naam is Millicent Jansen. Toe The Zone vir Millicent gevra het hoekom sy by Redimere ingeskryf het, het sy gesê dit is omdat dit ? privaat skool is en genoeg tyd vir individuele leerlinge ingeruim word. “Dit sal my baie in my akademiese loopbaan bevoordeel,” sê Millicent

Volgens die skoolhoof, mnr. André Struwig, wat in Januarie aangestel is, was die Sekondêre Skool Etosha tot dusver altyd bereid om hul sportveld en -toerusting vir Redimere beskikbaar te stel wanneer dit nodig was. “Dit het die grondslag gelê vir die studente met groot potensiaal om uiteindelik te groei. Vanjaar het ons drie studente wat gekwalifiseer het om op nasionale vlak in Windhoek deel te neem.”

Redimere Akademie het ook tot so 'n mate uitgebrei dat hulle vanjaar hul eie atletiekdag op Tsumeb kon aanbied.