NAC nopolisi ya shaina etsokumweEgameno lyuupale woodhila moNamibia lya nkundipala noonkondo Egameno lyokapale okanene moshilongo hoka haka humbata aantu ya thika poomiliyona 12.4 oka holola uuyelele tawu halutha, sho kwa lopotwa kutya oke na owala etsokumwe lyopakana nopolisi. Namibia Airports Company (NAC) pamwe nopolisi oya koleke kutya oye na owala etsokumwe lyopakana kombinga yegameno yokapale hoka omanga inaku shainwa etsokumwe mEtitano lya piti.
Shoka osha hala okutya kapwa li etsokumwe lyopamukanda, kombinga yegameno pokapale hoka ngaashi tashi uthwa komilandu dhuupale wopashigwana nenge moshilongo.
Uuyelele mboka owa holoka sho kwa tegelelwa ku ningwe omakonaakono gonkalo yekalepo lyuupale okutala ngele otawu gwanithwa po tuu omilandu , ngoka taga ningwa koInternational Civil Aviation Organisation (ICAO) pokapale kaHosea Kutako International Airport muNovemba gwomvula ndjika. Shoka otashi ulike kutya okapale hoka itaka gwanithwa po omilandu.
Opolisi oshowo NAC oya shaina etsokumwe mEtitano ndyoka tali utha egameno lyokapale puupale womoshilongo wu li uhetatu.
Etsokumwe ndyoka olyuule woomvula ntano na otali vulu okulelepekwa.
Etsokumwe ndyoka lyegameno olya kwatelamo ehadho puupale, omadheulo, egameno oshowo iikwaniipangitho yegameno puupale woodhila moshilongo.
Omukomeho gwopolisi yaNamibia, Sebastian Ndeitunga, okwa popi kutya etsokumwe ndyoka lyotango oli li oshipumbiwa sha tulwa po koICAO, opo opolisi yi kwashilipaleke egameno puupale woodhila moshilongo. Ndeitunga okwa popi kutya eshaino ndyoka oli li ondjokonona noshigwana nashi kale shi na ontseyo kutya egameno lyasho osho oshinima shotango puupale mboka.
“Otwa kala tatu longele kumwe patsokumwe lyopakana owala ihe ICAO okwa pumbwa okumona etsokumwe lyopamushangwa. Olyo lyotango lyoludhi ndoka.”
“Ngele owu shishi kutya oto ningilwa omakonaakono nena ope na omilandu ndhoka wu na okukala wa tula miilonga nowiiyutha kudho. Okwa li kwa ningwa omakonaakono gopetameko moka twa dhimbulukithwa opo tu tulepo etsokumwe lyopambaapila.”
Ngoka ta longo pehala lyomunambelewa omukuluntu gwNAC, Lot Haifidi, okwa holola kutya eshaino ndyoka oli li oshinima sha shewa ihe ina hala okuliithana kutya olyo lyotango pokati koombinga ndhoka mbali.
Haifidi okwa yelitha kutya opwa kala etsokumwe pokati koNAC nopolisi ihe kalya li lyopakana.
“Otwa pumbwa okwiipa uuyelele kombinga yetsokumwe ndyoka. Opolisi oyi na oshinakugwanithwa shopakotampango okugandja egameno na otwa pumbwa okugwanithwa ooveta, ngaashi twa pewa oshinakugwanithwa shoka.”
Sho iikundaneki ya kala nokupula Haifidi kombinga ngele etsokumwe ndyoka olyo lyotango li li pambaapila okwa popi kutya olyo lyotango, ihe itashi ti etsokumwe aluhe olya pumbwa okukala lya shangwa owala.
“Opwa kala etsokumwe pokati ketu, lyashangwa nenge inali shangwa osha faathana owala.”
“Ope na omakonaakono taga ningwa naashika oshi li oshitopolwa shomalongekidho. Etsokumwe olya kala po nale na otwa tokola owala okuulika koshigwana opo shi kale sha kwashilipelekwa kutya oshi li megameno.” Pahapu dhaHaifidi, etsokumwe ndyoka olya li lya falwa woo mombelelwa yahahende-ndjai gwepangelo omanga inaku ningwa oshituthi sheshaino.
Okwa tsikile kutya omakonaako ngoka otaga ningwa kuuyelele nuumbangi mboka wu li po onkene opwa pumbwa okukala omukanda, naashoka osho sha etitha oombinga ndhoka mbali dhi tule miilonga etsokumwe ndyoka pambaapila.
Omakonaakono gopetameko ngoka ga ningilwa okapale koHosea Kutako International Airport koAirports Council International, muMaalitsa oga holola kutya okapale hoka kake na egameno lya kwata miiti.
Natango petameko lyomvula ndjika, omatukodhila goKLM Royal Dutch Airlines oga li ga hala okuninga omalunduluko nokuhuliha po elongitho lyuupale moNamibia omolwa ompumbwe yegameno. Shoka osha thiminike woo ehangano ndyoka li kute miilonga ehangano lyopaumwene ndyoka tali ningile aafaalelwa yehangano ndyoka ehadho, omolwa uutile kutya ethano lyawo otali vulu okugwa pevi ngele opwa holoka sha oshiningwanima shi na sha negameno moodhila dhawo.
Oshifo kundaneki shoConfidente, osha li sha lopota muJanuari kutya ehangano ndyoka olya longitha iifuta ya gwedhwa po, opo li longithe ehangano lyopaumwene lyegameno onga omukalo gwokugamena ongeshefa yawo.
Omukomeho nomupeha presidende gwehangano ndyoka, Ronald Augustin, okwa li a shanga ombaapila yuuka kepangelo lyaNamibia momasiku 18 gaJanuari moka a nyenyeta kombinga yegameno lyongushu yopevi pokapale kaHosea Kutako, nokuholola kutya ehangano lyawo olya longitha iifuta ya gwedhwa po omolwa egameno lyawo ndyoka ya tulwa po muNovemba gwomvula yo 2017. Ehangano aniwa olya longitha oshimaliwa sha thika poomiliyona 4.7.
Omukanda ngoka ogwali woo gwa tuminwa opolisi yaNamibia, ominista yiiputudhilo yepangelo, Leon Jooste, ominista yomalweendo nale Alpheus !Naruseb, oshowo Civil Aviation Authority (NCAA), nehangano lyoNAC.
Omukanda ngoka ogwa tothamo ehadho lyongushu yopevi ndyoka hali ningwa kopolisi yaNamibia, naashoka otashi tula moshiponga egameno lyaafaalelwa oshowo ethano lyoomahangano goodhila unene gopashigwana ngoka haga longitha okapalek hoka.
Pauyelele mboka wa pitithwa koNAC, aafaalelwa ye poomiliyona 12.4 oya longitha okapale hoka omanga aafaalelwa yomalweendo gopauyuni ye li poomiliyona 4.2.
Omalweendo goodhila ge li po 54 027 odha dhidhilikwa woo okapele hoka omvula ya piti.
Shoka osha hala okutya kapwa li etsokumwe lyopamukanda, kombinga yegameno pokapale hoka ngaashi tashi uthwa komilandu dhuupale wopashigwana nenge moshilongo.
Uuyelele mboka owa holoka sho kwa tegelelwa ku ningwe omakonaakono gonkalo yekalepo lyuupale okutala ngele otawu gwanithwa po tuu omilandu , ngoka taga ningwa koInternational Civil Aviation Organisation (ICAO) pokapale kaHosea Kutako International Airport muNovemba gwomvula ndjika. Shoka otashi ulike kutya okapale hoka itaka gwanithwa po omilandu.
Opolisi oshowo NAC oya shaina etsokumwe mEtitano ndyoka tali utha egameno lyokapale puupale womoshilongo wu li uhetatu.
Etsokumwe ndyoka olyuule woomvula ntano na otali vulu okulelepekwa.
Etsokumwe ndyoka lyegameno olya kwatelamo ehadho puupale, omadheulo, egameno oshowo iikwaniipangitho yegameno puupale woodhila moshilongo.
Omukomeho gwopolisi yaNamibia, Sebastian Ndeitunga, okwa popi kutya etsokumwe ndyoka lyotango oli li oshipumbiwa sha tulwa po koICAO, opo opolisi yi kwashilipaleke egameno puupale woodhila moshilongo. Ndeitunga okwa popi kutya eshaino ndyoka oli li ondjokonona noshigwana nashi kale shi na ontseyo kutya egameno lyasho osho oshinima shotango puupale mboka.
“Otwa kala tatu longele kumwe patsokumwe lyopakana owala ihe ICAO okwa pumbwa okumona etsokumwe lyopamushangwa. Olyo lyotango lyoludhi ndoka.”
“Ngele owu shishi kutya oto ningilwa omakonaakono nena ope na omilandu ndhoka wu na okukala wa tula miilonga nowiiyutha kudho. Okwa li kwa ningwa omakonaakono gopetameko moka twa dhimbulukithwa opo tu tulepo etsokumwe lyopambaapila.”
Ngoka ta longo pehala lyomunambelewa omukuluntu gwNAC, Lot Haifidi, okwa holola kutya eshaino ndyoka oli li oshinima sha shewa ihe ina hala okuliithana kutya olyo lyotango pokati koombinga ndhoka mbali.
Haifidi okwa yelitha kutya opwa kala etsokumwe pokati koNAC nopolisi ihe kalya li lyopakana.
“Otwa pumbwa okwiipa uuyelele kombinga yetsokumwe ndyoka. Opolisi oyi na oshinakugwanithwa shopakotampango okugandja egameno na otwa pumbwa okugwanithwa ooveta, ngaashi twa pewa oshinakugwanithwa shoka.”
Sho iikundaneki ya kala nokupula Haifidi kombinga ngele etsokumwe ndyoka olyo lyotango li li pambaapila okwa popi kutya olyo lyotango, ihe itashi ti etsokumwe aluhe olya pumbwa okukala lya shangwa owala.
“Opwa kala etsokumwe pokati ketu, lyashangwa nenge inali shangwa osha faathana owala.”
“Ope na omakonaakono taga ningwa naashika oshi li oshitopolwa shomalongekidho. Etsokumwe olya kala po nale na otwa tokola owala okuulika koshigwana opo shi kale sha kwashilipelekwa kutya oshi li megameno.” Pahapu dhaHaifidi, etsokumwe ndyoka olya li lya falwa woo mombelelwa yahahende-ndjai gwepangelo omanga inaku ningwa oshituthi sheshaino.
Okwa tsikile kutya omakonaako ngoka otaga ningwa kuuyelele nuumbangi mboka wu li po onkene opwa pumbwa okukala omukanda, naashoka osho sha etitha oombinga ndhoka mbali dhi tule miilonga etsokumwe ndyoka pambaapila.
Omakonaakono gopetameko ngoka ga ningilwa okapale koHosea Kutako International Airport koAirports Council International, muMaalitsa oga holola kutya okapale hoka kake na egameno lya kwata miiti.
Natango petameko lyomvula ndjika, omatukodhila goKLM Royal Dutch Airlines oga li ga hala okuninga omalunduluko nokuhuliha po elongitho lyuupale moNamibia omolwa ompumbwe yegameno. Shoka osha thiminike woo ehangano ndyoka li kute miilonga ehangano lyopaumwene ndyoka tali ningile aafaalelwa yehangano ndyoka ehadho, omolwa uutile kutya ethano lyawo otali vulu okugwa pevi ngele opwa holoka sha oshiningwanima shi na sha negameno moodhila dhawo.
Oshifo kundaneki shoConfidente, osha li sha lopota muJanuari kutya ehangano ndyoka olya longitha iifuta ya gwedhwa po, opo li longithe ehangano lyopaumwene lyegameno onga omukalo gwokugamena ongeshefa yawo.
Omukomeho nomupeha presidende gwehangano ndyoka, Ronald Augustin, okwa li a shanga ombaapila yuuka kepangelo lyaNamibia momasiku 18 gaJanuari moka a nyenyeta kombinga yegameno lyongushu yopevi pokapale kaHosea Kutako, nokuholola kutya ehangano lyawo olya longitha iifuta ya gwedhwa po omolwa egameno lyawo ndyoka ya tulwa po muNovemba gwomvula yo 2017. Ehangano aniwa olya longitha oshimaliwa sha thika poomiliyona 4.7.
Omukanda ngoka ogwali woo gwa tuminwa opolisi yaNamibia, ominista yiiputudhilo yepangelo, Leon Jooste, ominista yomalweendo nale Alpheus !Naruseb, oshowo Civil Aviation Authority (NCAA), nehangano lyoNAC.
Omukanda ngoka ogwa tothamo ehadho lyongushu yopevi ndyoka hali ningwa kopolisi yaNamibia, naashoka otashi tula moshiponga egameno lyaafaalelwa oshowo ethano lyoomahangano goodhila unene gopashigwana ngoka haga longitha okapalek hoka.
Pauyelele mboka wa pitithwa koNAC, aafaalelwa ye poomiliyona 12.4 oya longitha okapale hoka omanga aafaalelwa yomalweendo gopauyuni ye li poomiliyona 4.2.
Omalweendo goodhila ge li po 54 027 odha dhidhilikwa woo okapele hoka omvula ya piti.