Hulitheni po okusithandje ohoni - Ndeitunga Omukuluntu gwEtanga lyOpolisi yaNamibia, Sebastian Ndeitunga okwa popi kutya aanambelewa yamwe po yopolisi kutya otaya longelekumwe noongangala, oshowo okulongitha pambambo omaliko goshilongo, nokutula methano ewinayi etanga lyopolisi yoshilongo.
Okwa kunkilile aanambelewa yopolisi kutya ye itaka kanitha nando iilonga ye omolwa aanambelewa yopolisi mboka taya longo nuuhasha nokunyateka edhina lyopolisi.
Ndeitunga okwa li iithana komutumba gwomeendelelo aanambelewa ayehe yopolisi mosasiyona yaWanahenda, omolwa e yo pombanda lyiimbuluma.
Okwa popi kutya oshilyo shetanga lyopolisi lyowina osha taalela etidho miilonga, konima sho sha monika kutya osha kala tashi longele kumwe na nakusa Sakeus 'Kablou' Amateta, sha landula omakonaakono ngoka ga ningwa.
Amateta, ngoka kwa hololwa kutya okwa kala omukomeho gwoongangala, okwa yahwa okusa mOvenduka oomwedhi dha piti, konima sho a tindi okutulwa miipandeko.
Omukuluntu gwopolisi okwa popi kutya ota sithwa ohoni kaanambelewa yamwe mboka mboka aananyalo na inaya hala okugwanitha po iilonga yawo.
Natango okwa popi kutya edhipago yaakwanezimo yatano moRundu mehuliloshiwike lya piti, osha ningwa omolwa uuhasha wopolisi, ndjoka ya ndopa okugwanitha po iilonga yawo.
“Ngele owa mono olopota otayi popi kutya omukwashigwana okwa ka lopota kopolisi na okwa pula opolisi yi yambidhidhe ihe okwa yamukulwa kutya kape na oohauto. Inaku shangwa sha membo lyoolopota ihe eyamukulo olya li owala kutya kape na iiyenditho,” Ndeitunga a popi.
Okwa popi kutya oshi li oshiyolithi noonkondo molwaashoka ka pwali ohauto opo ku yandwe edhipago ndyoka, ihe opwa ka kala oohauto dha thika po 12 pehala lyoshiningwanima.
“Uuhasha owo wa etitha edhipago ndyoka. Ipula ne andola osha li ofamili yoye ya dhipagwa aantu ayehe mboka komuntu ngoka a li e na okutulwa miipandeko kopolisi. Oohauto odha li peni? Oshi na sha nelongitho yoonzo mpoka tadhi pumbiwa,” Ndeitunga apopi.
Okwa tsikile kutya ope na aanambelelwa mboka taya longo iilonga yawo neitulemo ihe aashona omanga oyendji itaya gwanitha po iilonga.
Okwa popi woo kombinga yaanambelewa mboka ya pyakudhukwa okugwanitha po iilonga yawo ,ihe kaye na iikwaniipangitho taya pumbwa mokulonga iilonga yawo.
Ndeitunga okwa popi woo kombinga yaanambelewa aakiintu mboka haya kala owala ye li pomahala goostola taya ithaneke omanga ye li momizalo dhiilonga noku ulika omathano gawo komapandja gomakwatathano gopainternet.
Okwa pula aanambelewa ya kwashilipaleke kutya otaya gwanitha po iilonga yawo.
JEMIMA BEUKES
Okwa kunkilile aanambelewa yopolisi kutya ye itaka kanitha nando iilonga ye omolwa aanambelewa yopolisi mboka taya longo nuuhasha nokunyateka edhina lyopolisi.
Ndeitunga okwa li iithana komutumba gwomeendelelo aanambelewa ayehe yopolisi mosasiyona yaWanahenda, omolwa e yo pombanda lyiimbuluma.
Okwa popi kutya oshilyo shetanga lyopolisi lyowina osha taalela etidho miilonga, konima sho sha monika kutya osha kala tashi longele kumwe na nakusa Sakeus 'Kablou' Amateta, sha landula omakonaakono ngoka ga ningwa.
Amateta, ngoka kwa hololwa kutya okwa kala omukomeho gwoongangala, okwa yahwa okusa mOvenduka oomwedhi dha piti, konima sho a tindi okutulwa miipandeko.
Omukuluntu gwopolisi okwa popi kutya ota sithwa ohoni kaanambelewa yamwe mboka mboka aananyalo na inaya hala okugwanitha po iilonga yawo.
Natango okwa popi kutya edhipago yaakwanezimo yatano moRundu mehuliloshiwike lya piti, osha ningwa omolwa uuhasha wopolisi, ndjoka ya ndopa okugwanitha po iilonga yawo.
“Ngele owa mono olopota otayi popi kutya omukwashigwana okwa ka lopota kopolisi na okwa pula opolisi yi yambidhidhe ihe okwa yamukulwa kutya kape na oohauto. Inaku shangwa sha membo lyoolopota ihe eyamukulo olya li owala kutya kape na iiyenditho,” Ndeitunga a popi.
Okwa popi kutya oshi li oshiyolithi noonkondo molwaashoka ka pwali ohauto opo ku yandwe edhipago ndyoka, ihe opwa ka kala oohauto dha thika po 12 pehala lyoshiningwanima.
“Uuhasha owo wa etitha edhipago ndyoka. Ipula ne andola osha li ofamili yoye ya dhipagwa aantu ayehe mboka komuntu ngoka a li e na okutulwa miipandeko kopolisi. Oohauto odha li peni? Oshi na sha nelongitho yoonzo mpoka tadhi pumbiwa,” Ndeitunga apopi.
Okwa tsikile kutya ope na aanambelelwa mboka taya longo iilonga yawo neitulemo ihe aashona omanga oyendji itaya gwanitha po iilonga.
Okwa popi woo kombinga yaanambelewa mboka ya pyakudhukwa okugwanitha po iilonga yawo ,ihe kaye na iikwaniipangitho taya pumbwa mokulonga iilonga yawo.
Ndeitunga okwa popi woo kombinga yaanambelewa aakiintu mboka haya kala owala ye li pomahala goostola taya ithaneke omanga ye li momizalo dhiilonga noku ulika omathano gawo komapandja gomakwatathano gopainternet.
Okwa pula aanambelewa ya kwashilipaleke kutya otaya gwanitha po iilonga yawo.
JEMIMA BEUKES