Katiti a yamukulaOmapopyo ngoka aniwa oga nuninwa okunyateka edhina lye Omunambelelwa omukuluntu gwehangano lyoNIP ngoka a kuthwa miilonga omolwa omapopyo gelongitho nayi iimaliwa yehangano, okwa yamukula okupitila momukalelipo gwe gwopaveta, kutya kamu uushili momapopyo ngoka ta ningilwa kelelo lyehangano ndyoka. Omunambelelwa omukuluntu gwehangano lyoNamibia Institute of Pathology (NIP), ngoka a kuthwa miilonga okwa yamukula kutya elelo lyehangano ndyoka olya gandja uuyelele wa puka kiikundaneki opo ku nyatekwe edhina lye.
Augustinus Katiti, okwa ekelehi omapopyo kutya okwa longitha pambambo ombelewa ye mokulonga uulingilingi ta hepeke iimaliwa yehangano, ta popi kutya ngoka omalundilo gowala ta ningilwa.
Omalundilo gamwe ngoka ta popi ongaashi kutya okwa longitha nayi iimaliwa yehangano, ta longitha woo oshimaliwa sha thika pomiliyona yimwe momalweendo ge konima sho a pewa nale omutengenekwathaneko gwe longitho lyiimaliwa gwa thika poomiliyona 2.5.
Katiti okwa hokololwa a longitha iimaliwa mbyoka okuya momalweendo kiilongo ngaashi US, Sweden, Austria oshowo South Africa.
Natango okwa li woo a yi molweendo koItaly pamwe naanambelewa yamwe, na oya longitha oshimaliwa shooN$400 000.
Mboka aniwa oyali ya yi koItaly opo ya kalande iipundi niitaafula yomombelewa yongushu yoomiliyona 11, pauyelele mboka wa gandjwa kugumwe gwomaanambelewa yehangano ndyoka.
Katiti ngoka a pewa elombwelo opo ka popye niikundaneki, okwa popi okupitila muhahende gwe Richard Metcalfe, kutya elelo lyehangano ndyoka olya pititha uuyelele womeni waahena oshili opo li nyateke edhina lye.
Katiti natango okwa tindi okuzimina kutya iifuta yomalweendo ge oya pitilila noonkondo pomwaalu ngoka a li e na okulongitha, na okwa hololwa kutya okwa longitha oomiliyona dhi li po 3.5.
Katiti natango okwa tindi kutya okwa li a ka landa iipundi niitaafula yomomoombelewa molweendo lwe lyokuya koItaly.
Hahende gwe okwa popi kutya Katiti ina enda koItaly nkene a valelwe na inaya natango koAustria kutya opaumwene nenge shi na na niilonga.
Natango aniwa omalweendo ge agehe oga li haga ka ziminwa tango komunashipundi gwelelelo lyo NIP.
Okwa lopotwa kutya NIP okwa landa iipundi niitaafula yomombelewa koItaly, nelando ndyoka olya tengenekelwa pongushu yoomiliyona 11, kokomitiye yomakonaakono gopaiyemo mehangano ndyoka.
Katiti okwa popi kutya iipundi niitafula mbyoka oya landwa koSouth Afrika, kongushu yoomiliyona ntano, nongushu yawo ndjoka ya tulwa po kelelo lyoomiliyona 11 oyiifundja.
“NIP ina landa iipundi niitaafula koItaly. Iinima mbyoka oyongushu yoomiliyona 5 na oya landwa koR Navarra Shopfitters and Joiners, ehangano lyomoCape Town, sha South Afrika. Oomwaalu ngoka gwa longithwa okuland aiipundi mbyoka niitaafula kagu poomiliyona 11 ngaashi sha tumbulwa,” hahende Metcalfe a yamukula.
Nonando NIP aniwa okuna aanambeewa yomayambulepo gongeshefa, okwa ka konga omayakulo ngoka nokufuta oshimaliwa shoomiliyona 1.4 momadheulo.
Omapopyo gamwe po ngoka ga ningwa okombinga yomagwedhelo goondjambi, sho aniwa elelo lyehangano lya tokola nokuzimine opo aaniilonga ya gwedhelwe koondjambi dhawo noopresenda 8, ihe Katiti nayakwawo oya taaguluka etokolo ndyoka lya ningwa keleleo noku gwedhela oondjambi dhawo noopresenda 11.
Natango otaku popiwa aniwa ya longitha iimaliwa yehangano okulandela iihauto ehangano lyoST Freight Services CC , ihe shoka osha tindwa kuKatiti. Okwa popi kutya omayamukulo kombinga yehokololo ndyoka oga li nale ga pewa elelo lyehangano na okwa lopotwa oshinima shoka sha kundathanwa kelelo momitumba dha thika puntano okutameka omwedhi Maalitsa omvula yo 2017.
Okwa tsikile kutya oya li ya lopota omapopyo gelongitho pambambo iimaliwa yehangano komunahsipundi gwokomitoye yokuninga omakonaakono giimaliwa nokuyanda ekanitho mehangano ndyoka muJuli gwomvula ya piti, nongele nena omalundilo ngoka ta ningilwa oge na uushili, andola oga monika mo nale nokweetitha a kuthwe miilonga nale.
“Katiti ka li a tidhwa miilonga omvula ya piti. Andola okwa li a kutha ombinga miinima mbyoka tayi popiwa nenge a monika ondjo andola okwa kuthwa nale miilonga sha landula omakonaakono ngoka ga ningwa kokomitiye yokuninga omakonaakono gelongitho lyiiyemo mehangano,” Metcalfe a popi.
OGONE TLHAGE
Augustinus Katiti, okwa ekelehi omapopyo kutya okwa longitha pambambo ombelewa ye mokulonga uulingilingi ta hepeke iimaliwa yehangano, ta popi kutya ngoka omalundilo gowala ta ningilwa.
Omalundilo gamwe ngoka ta popi ongaashi kutya okwa longitha nayi iimaliwa yehangano, ta longitha woo oshimaliwa sha thika pomiliyona yimwe momalweendo ge konima sho a pewa nale omutengenekwathaneko gwe longitho lyiimaliwa gwa thika poomiliyona 2.5.
Katiti okwa hokololwa a longitha iimaliwa mbyoka okuya momalweendo kiilongo ngaashi US, Sweden, Austria oshowo South Africa.
Natango okwa li woo a yi molweendo koItaly pamwe naanambelewa yamwe, na oya longitha oshimaliwa shooN$400 000.
Mboka aniwa oyali ya yi koItaly opo ya kalande iipundi niitaafula yomombelewa yongushu yoomiliyona 11, pauyelele mboka wa gandjwa kugumwe gwomaanambelewa yehangano ndyoka.
Katiti ngoka a pewa elombwelo opo ka popye niikundaneki, okwa popi okupitila muhahende gwe Richard Metcalfe, kutya elelo lyehangano ndyoka olya pititha uuyelele womeni waahena oshili opo li nyateke edhina lye.
Katiti natango okwa tindi okuzimina kutya iifuta yomalweendo ge oya pitilila noonkondo pomwaalu ngoka a li e na okulongitha, na okwa hololwa kutya okwa longitha oomiliyona dhi li po 3.5.
Katiti natango okwa tindi kutya okwa li a ka landa iipundi niitaafula yomomoombelewa molweendo lwe lyokuya koItaly.
Hahende gwe okwa popi kutya Katiti ina enda koItaly nkene a valelwe na inaya natango koAustria kutya opaumwene nenge shi na na niilonga.
Natango aniwa omalweendo ge agehe oga li haga ka ziminwa tango komunashipundi gwelelelo lyo NIP.
Okwa lopotwa kutya NIP okwa landa iipundi niitaafula yomombelewa koItaly, nelando ndyoka olya tengenekelwa pongushu yoomiliyona 11, kokomitiye yomakonaakono gopaiyemo mehangano ndyoka.
Katiti okwa popi kutya iipundi niitafula mbyoka oya landwa koSouth Afrika, kongushu yoomiliyona ntano, nongushu yawo ndjoka ya tulwa po kelelo lyoomiliyona 11 oyiifundja.
“NIP ina landa iipundi niitaafula koItaly. Iinima mbyoka oyongushu yoomiliyona 5 na oya landwa koR Navarra Shopfitters and Joiners, ehangano lyomoCape Town, sha South Afrika. Oomwaalu ngoka gwa longithwa okuland aiipundi mbyoka niitaafula kagu poomiliyona 11 ngaashi sha tumbulwa,” hahende Metcalfe a yamukula.
Nonando NIP aniwa okuna aanambeewa yomayambulepo gongeshefa, okwa ka konga omayakulo ngoka nokufuta oshimaliwa shoomiliyona 1.4 momadheulo.
Omapopyo gamwe po ngoka ga ningwa okombinga yomagwedhelo goondjambi, sho aniwa elelo lyehangano lya tokola nokuzimine opo aaniilonga ya gwedhelwe koondjambi dhawo noopresenda 8, ihe Katiti nayakwawo oya taaguluka etokolo ndyoka lya ningwa keleleo noku gwedhela oondjambi dhawo noopresenda 11.
Natango otaku popiwa aniwa ya longitha iimaliwa yehangano okulandela iihauto ehangano lyoST Freight Services CC , ihe shoka osha tindwa kuKatiti. Okwa popi kutya omayamukulo kombinga yehokololo ndyoka oga li nale ga pewa elelo lyehangano na okwa lopotwa oshinima shoka sha kundathanwa kelelo momitumba dha thika puntano okutameka omwedhi Maalitsa omvula yo 2017.
Okwa tsikile kutya oya li ya lopota omapopyo gelongitho pambambo iimaliwa yehangano komunahsipundi gwokomitoye yokuninga omakonaakono giimaliwa nokuyanda ekanitho mehangano ndyoka muJuli gwomvula ya piti, nongele nena omalundilo ngoka ta ningilwa oge na uushili, andola oga monika mo nale nokweetitha a kuthwe miilonga nale.
“Katiti ka li a tidhwa miilonga omvula ya piti. Andola okwa li a kutha ombinga miinima mbyoka tayi popiwa nenge a monika ondjo andola okwa kuthwa nale miilonga sha landula omakonaakono ngoka ga ningwa kokomitiye yokuninga omakonaakono gelongitho lyiiyemo mehangano,” Metcalfe a popi.
OGONE TLHAGE