Endopo olyo tali yi moshipala aanonaElongo lyaanona moondondo dhopetameko oshinima sha simana noonkondo Gumwe gwomaanona yatano mboka yeli mondondo yotango oha endulula ondondo ye yotango moskola muule woomvula heyali dha piti, omanga oopresenda owala 30 dhaanona mboka yeli mondondo onti 5 sigo ontihetatu haya endulula oondondo ndhoka muule woomvula dha faathana. Uuyelele mboka owa hololwa dhomomiyalu tadhi halutha, dhoka sha pitithwa mOmaandaha komisnita yelongo, Katrina Hanse-Himarwa pethimbo kwa tamekithwa omutumba guule womasiku gatatu gwoNational Integrated Early Childhood Development Conference, ngoka tagu ningilwa moshilandopangelo. Minista okwa koleke kutya eendululo lyondondo yotango moshilongo olya thikama poopresenda 21 muule woomvula heyali monena okuza poopresenda 19.8.
Hanse-Himarwa okwa holola woo omaiyuvo ge omolwa omwaalu gwaanona taya thigi po ooskola ngoka tagu londo pombanda moshilongo.
Okwa popi kutya oopresenda 30 dhaanasakola oya thigi po ondondo 10 omanga oopresenda dhili pokati kahamano naheyali ya thigi po ondondo onti 8.
Oshinima shimwe shoka tashi patele pondje aanona opo yamone elongo, onkalo yaanona itaya taambelwa mooskola molwaashoka kaye na oonzapo dhomavalo.
Aanona oyendji natango inaya mono endungiko lyopetameko omanga mboka aakwanaluhepo haya yi nondjala kooskola dhiikunino.
Omiyalu ndhoka dha monika po koUnited Nations Children's Fund (Unicef) mo 2015 odha mono kutya aanona ya thika po 103 768 yoomvula dhokuya koskola ihaya yi kooskola omanga ya thika po 99 200 oye li moshiponga shokuthiga po ooskola.
Minista okwa popi kutya onkalo ndjoka otayi etithwa woo sho aavali yamwe kaye na eyambidhidho lyaanona yawo, omategelelo mokati kaanona yoskola, iinano iile okuya nokuza kooskola, oluhepo nokwaahena iilonga, omaupyakadhi ga taalela aanona, eendululo lyoondondo, omaulema oshowo ompumbwe yomeya nuuyogoki.
Pahapu dhaHanse- Himarwa okwa totwa ongundu ndjoka ya pewa oshinakugwanithwa shokukwashilipaleka kutya ooskola odha ninga omahala omawanawa okukala aanona, pakutula miilonga oNational Safe Schools Framework nokutalulula oIntegrated School Health Policy.
Minista okwa kunkilile kutya nonando onkalo ndjoka otayi vulu owala okuyambulwa po ngele tagu gandjwa omiyalu dhomondjila.
Okwa popi kutya uuministeli owa hala woo okuyambulapo elongo lyopetameko moshilongo, onkene iimaliwa yoomiliyona 52 otayi ka gandjwa kiitopolwa opo yi vule okuyambulapo elongo lyopetameko.
Oomiliyona mbali odha gandjwa mokulanda iikwaniipangitho yooskola dhowina.
Okwa pula elongelokumwe ewanawa naakuthimbinga moshikondo shelongo. Opo ku yambulwepo eyambulepo lyaanona moondondo dhopetameko.
Hanse-Himarwa, okwa popi kutya, etaambelo lyaanona moondondo dhopetameko olya yambukapo okuza kaanona 17 000 ya taambelwa moondondo ndhoka mo2011/2012 okuya paanona 40 000 mboka ya taambelwa moondondo ndhoka nuumvo.
Minista okwa popi kutya epungulo melongo lyaanona yomoondondo dhopetameko oshinima sha simana noonkondo onkene osha pumbwa okutulwa miilonga nokukalekwa po.
JEMIMA BEUKES
Hanse-Himarwa okwa holola woo omaiyuvo ge omolwa omwaalu gwaanona taya thigi po ooskola ngoka tagu londo pombanda moshilongo.
Okwa popi kutya oopresenda 30 dhaanasakola oya thigi po ondondo 10 omanga oopresenda dhili pokati kahamano naheyali ya thigi po ondondo onti 8.
Oshinima shimwe shoka tashi patele pondje aanona opo yamone elongo, onkalo yaanona itaya taambelwa mooskola molwaashoka kaye na oonzapo dhomavalo.
Aanona oyendji natango inaya mono endungiko lyopetameko omanga mboka aakwanaluhepo haya yi nondjala kooskola dhiikunino.
Omiyalu ndhoka dha monika po koUnited Nations Children's Fund (Unicef) mo 2015 odha mono kutya aanona ya thika po 103 768 yoomvula dhokuya koskola ihaya yi kooskola omanga ya thika po 99 200 oye li moshiponga shokuthiga po ooskola.
Minista okwa popi kutya onkalo ndjoka otayi etithwa woo sho aavali yamwe kaye na eyambidhidho lyaanona yawo, omategelelo mokati kaanona yoskola, iinano iile okuya nokuza kooskola, oluhepo nokwaahena iilonga, omaupyakadhi ga taalela aanona, eendululo lyoondondo, omaulema oshowo ompumbwe yomeya nuuyogoki.
Pahapu dhaHanse- Himarwa okwa totwa ongundu ndjoka ya pewa oshinakugwanithwa shokukwashilipaleka kutya ooskola odha ninga omahala omawanawa okukala aanona, pakutula miilonga oNational Safe Schools Framework nokutalulula oIntegrated School Health Policy.
Minista okwa kunkilile kutya nonando onkalo ndjoka otayi vulu owala okuyambulwa po ngele tagu gandjwa omiyalu dhomondjila.
Okwa popi kutya uuministeli owa hala woo okuyambulapo elongo lyopetameko moshilongo, onkene iimaliwa yoomiliyona 52 otayi ka gandjwa kiitopolwa opo yi vule okuyambulapo elongo lyopetameko.
Oomiliyona mbali odha gandjwa mokulanda iikwaniipangitho yooskola dhowina.
Okwa pula elongelokumwe ewanawa naakuthimbinga moshikondo shelongo. Opo ku yambulwepo eyambulepo lyaanona moondondo dhopetameko.
Hanse-Himarwa, okwa popi kutya, etaambelo lyaanona moondondo dhopetameko olya yambukapo okuza kaanona 17 000 ya taambelwa moondondo ndhoka mo2011/2012 okuya paanona 40 000 mboka ya taambelwa moondondo ndhoka nuumvo.
Minista okwa popi kutya epungulo melongo lyaanona yomoondondo dhopetameko oshinima sha simana noonkondo onkene osha pumbwa okutulwa miilonga nokukalekwa po.
JEMIMA BEUKES