Aanaskola yaadhika koombepo dhaashiwikeOnkalo ndjoka ohayi tameke aluhe pethimbo lyomakonaakono Yimwe yomooskola moshitopolwa shaHangwena, oya tumu aanona komagumbo mOmaandaha, sho aanona yamwe po ya tameke taya ulike omadhidhiliko gomaihumbato taga limbilike na otaga tilitha. Omalimbililo oga holoka poskola yedhina Shikeva Combined School moshikandjo sha Ongha mOhangwena ongula yOmaandaha, pethimbo aanaskola yali yiipyakidhila nomakonaakono gawo gopehulilo lyomumvo, sho aanaskola ya tameke taya iidhengepo taku fekelwa kutya oya kwatwa komukithi gwo ' mass hysteria'.
Pethimbo lyowaandaha, aanaskola ya thika po-21 yomondondo onti-1 sigo 9 oya tameke taya galangata mevi taya kugu.
Pahapu dhonzo yimwe poskola ndjoka, aanona mboka ya kwatwa konkalo ndjoka oomboka aanamagano na ohaya ilongo nawa.
“Mboka ya kwatwa komaihumbaato ngoka aanona mboka haya piti aatango nenge aatiyali, itashi ti kutya otaya iningitha molwaashoka oya tila andola ekonaakono. Aanona aayehe ohaya kugu oshinima sha faathana, taya popi kutya 'edhina lyandje ongame [edhina lyomukunda gwawo] na itandi zimo molutu lwoye. Otashi tilitha sho aanona ayehe o 21 taya tumbula owala edhina lyomuntu gumwe,” onzo ndjoka ya popi.
Onkalo yaanona yoskola taya holola omadhidhiliko gomaihumbato ngoka taga tilitha oya tameke petameko lyooskola nuumvo, nomaihumbato goludhi ndoka ga thika po-20 oga dhidhilikwa.
Pahapu dhomukuluntuskola, Abner Haiduwa, nale aanona owala yaali oyo yali haya kala nomadhidhiliko ngoka, ihe ngashiingeyi omwaalu ogwa londa pombanda. Aavali yaanona mboka oya limbililwa noonkondo na oyiinekela kutya onkalo ndjoka otayi etithwa kuulodhi.
“Otwa laleke aanona mboka aashona ya shune komagumbo tango molwaashoka oyali ya tila noonkondo na otaya lili, nokonima otwa ithana aavali yaanona mboka ya kwatwa komaihumbato ngoka.”
Haiduwa okwa popi kutya ootundi odha kalekwa na otashi tsikile owala esiku tali landula.
“Iinima mbyoka oyoshili na otayi gumu eyokomeho lyoskola. Otwa tseyithila uuministeli ihe inawu thika po mpaka, oye tu lombwele owala tu tume aanona komagumbo. Otwa tila molwaashoka katu shi kutya natu ninge ngiini,” omukuluntuskola a tsikile.
Aanona yomondondo onti-10 oya tsikile nomakonaakono gawo nonando omukuluntuskola okwa limbililwa kutya iizemo yawo otayi ka gumwa kwaashoka sha holoka po.
Sho omukomeho gwelongo mOhangwena, Isak Hamatwi a ningilwa omapulaapulo koshifokundaneki shoNamibian Sun, okwa popi kutya onkalo ndjoka kayi shi yotango tayi holoka moskola ndjoka, na kaye shi kutya otaya ningi ngiini.
Okwa popi kutya kape na epango lyomaihumbato ngoka, na ohaya ithana owala aavali yiileko aanona yawo koskola.
JUNE SHIMUOSHILI
Pethimbo lyowaandaha, aanaskola ya thika po-21 yomondondo onti-1 sigo 9 oya tameke taya galangata mevi taya kugu.
Pahapu dhonzo yimwe poskola ndjoka, aanona mboka ya kwatwa konkalo ndjoka oomboka aanamagano na ohaya ilongo nawa.
“Mboka ya kwatwa komaihumbaato ngoka aanona mboka haya piti aatango nenge aatiyali, itashi ti kutya otaya iningitha molwaashoka oya tila andola ekonaakono. Aanona aayehe ohaya kugu oshinima sha faathana, taya popi kutya 'edhina lyandje ongame [edhina lyomukunda gwawo] na itandi zimo molutu lwoye. Otashi tilitha sho aanona ayehe o 21 taya tumbula owala edhina lyomuntu gumwe,” onzo ndjoka ya popi.
Onkalo yaanona yoskola taya holola omadhidhiliko gomaihumbato ngoka taga tilitha oya tameke petameko lyooskola nuumvo, nomaihumbato goludhi ndoka ga thika po-20 oga dhidhilikwa.
Pahapu dhomukuluntuskola, Abner Haiduwa, nale aanona owala yaali oyo yali haya kala nomadhidhiliko ngoka, ihe ngashiingeyi omwaalu ogwa londa pombanda. Aavali yaanona mboka oya limbililwa noonkondo na oyiinekela kutya onkalo ndjoka otayi etithwa kuulodhi.
“Otwa laleke aanona mboka aashona ya shune komagumbo tango molwaashoka oyali ya tila noonkondo na otaya lili, nokonima otwa ithana aavali yaanona mboka ya kwatwa komaihumbato ngoka.”
Haiduwa okwa popi kutya ootundi odha kalekwa na otashi tsikile owala esiku tali landula.
“Iinima mbyoka oyoshili na otayi gumu eyokomeho lyoskola. Otwa tseyithila uuministeli ihe inawu thika po mpaka, oye tu lombwele owala tu tume aanona komagumbo. Otwa tila molwaashoka katu shi kutya natu ninge ngiini,” omukuluntuskola a tsikile.
Aanona yomondondo onti-10 oya tsikile nomakonaakono gawo nonando omukuluntuskola okwa limbililwa kutya iizemo yawo otayi ka gumwa kwaashoka sha holoka po.
Sho omukomeho gwelongo mOhangwena, Isak Hamatwi a ningilwa omapulaapulo koshifokundaneki shoNamibian Sun, okwa popi kutya onkalo ndjoka kayi shi yotango tayi holoka moskola ndjoka, na kaye shi kutya otaya ningi ngiini.
Okwa popi kutya kape na epango lyomaihumbato ngoka, na ohaya ithana owala aavali yiileko aanona yawo koskola.
JUNE SHIMUOSHILI