Iimaliwa yelelo lyaNdonga ya kanaIimaliwa oya li ya nuninwa okutunga ombala ompe Okwa tukuka oontamana pokati kelelo epe lyopamuthigululwakalo mOndonga oshowo elelo ndyoka ekulu lya kuthwa miilonga oomwedhi dha piti, omolwa iimaliwa mbyoka kwa lopotwa ya kana aniwa. Oongundu ndhoka mbali otadhi lundilathana omolwa iimaliwa mbyoka ya kana ya thika poomiliyona 1.4
Amushanga omupe gwelelo ndyoka, Nepando Amupanda okwa lopotwa ta lundile elelo ndyoka lya kuthwa iilonga kutya olyo lya yakapo oshimaliwa, shoka sha li sha gongelwa sha nuninwa okutunga ombala ompe yoshilonga shaNdonga.
Ongundu ndjoka ya tidhwa oya yamukula tayi gandja uusama kelelo ndyoka epe.
Omukomeho gwOpolisi yaShana, Rauha Amwele okwa koleke kutya elelo lyopamuthigululwakalo mOndonga olya tula mo oshipotha omolwa ekano lyoshimaliwa sha thika pooN$400 000 shoka sha kana komayalulo gombaanga yoStandard Bank yelelo ndyoka.
Oshiketha shiiyemo yelelo ndyoka okwa lopotwa kashi na iimaliwa ngashiingeyi, na otashi ningitha oshidhigu elelo ndyoka li gwanithe po iinakugwanithwa yawo.
Aakwashigwana oyendji melelo ndyoka oya tindi okufuta iigandjwa yawo yiifuta yomagumbo konima nkene elelo ndyoka lya yi moontamanana ndhoka dha ninga ethimbo ngashiingeyi.
Elelo epe otaku popiwa lya gwedhele oondjambi dhawo dhokomwedhi mwakwatelwa ondjambi yaAmushanga, ndjoka ya gwedhelwa okuza pooN$1 300 komwedhi kuya kooN$11 000 komwedhi. Omupopiliko gwOmukwaniilwa gwaNdonga, Immanuel Kauluma Elifas, na okuli elenga enene moshikandjo sha Oniimwandi, ' Naeman Amalwa okwa koleke kutya otaya kongo iimaliwa mbyoka ya kana okuza komayalulo gombaanga yaStandard Bank, na oyuukithwa komayalulo gombaanga yahahende gwaaleli mboka ya tidhwa.
Nonando ongaaka Amalwa okwa popi kutya ita vulu okugadja uuyelele awuhe na okwa ukitha omapulo agehe kuAmupanda. Ngoka a popi pehala lyookansela mboka yali ya tidhwa miilonga, Kashona kaMalulu okwa koleke kutya iimaliwa mbyoka oya futwa ehangano lyoohahende, na osha ningwa nepitiko lyaakwashigwana mboka ya yambidhidha mokugongela iimaliwa mbyoka. Okwa popi kutya oya futa ooN$400 000 ihe kayi shi oomiliyona N$1.4, ngaashi tashi popiwa.
Konima nkene twa tula miilonga opoloyeka ndjoka, otwa gongele oshimaliwa shooN$600 000 ihe kayi shi oomiliyona 1.4 ngaashi elelo ndyoka epe tali popi.
“Otwa pula aakwashigwana mboka ya gandja iimaliwa mbyoka opo tu yi longithe po. Na ya popye woo kombinga yoomiliyona 1.5 ndhoka dha kana okuza komayalulo gombaanga yelelo,” kaMalulu a popi.
Okwa tsikile kutya elelo epe kali oonkondo dhiinakugwanithwa yelelo, naaakwashigwana oya tindi okufuta iigandjwa yawo.
KaMalulu okwa popi woo kutya Nepando ota ningile omatilitho aakwashigwana kutya otaya ka kuthwa omavi gawo niimuna yawo ngele otaya tindi okufuta iigandjwa yawo.
MuJuli, Elifas okwa kutha miilonga omunashipundi gwelelo lyaNdonga, Peter Kauluma, omupopiliko gwelelo ndyoka, Joseph Asino oshowo omalenga omanene ngaashi Walenga, Tonata Ngulu, Kashona Malulu, Joseph Akawa, Fillemon Nambili naVilho Kamanya.
Oonakutidhwa otaya kongo ekwatho kOmpangu yoPombanda.
ILENI NANDJATO
Amushanga omupe gwelelo ndyoka, Nepando Amupanda okwa lopotwa ta lundile elelo ndyoka lya kuthwa iilonga kutya olyo lya yakapo oshimaliwa, shoka sha li sha gongelwa sha nuninwa okutunga ombala ompe yoshilonga shaNdonga.
Ongundu ndjoka ya tidhwa oya yamukula tayi gandja uusama kelelo ndyoka epe.
Omukomeho gwOpolisi yaShana, Rauha Amwele okwa koleke kutya elelo lyopamuthigululwakalo mOndonga olya tula mo oshipotha omolwa ekano lyoshimaliwa sha thika pooN$400 000 shoka sha kana komayalulo gombaanga yoStandard Bank yelelo ndyoka.
Oshiketha shiiyemo yelelo ndyoka okwa lopotwa kashi na iimaliwa ngashiingeyi, na otashi ningitha oshidhigu elelo ndyoka li gwanithe po iinakugwanithwa yawo.
Aakwashigwana oyendji melelo ndyoka oya tindi okufuta iigandjwa yawo yiifuta yomagumbo konima nkene elelo ndyoka lya yi moontamanana ndhoka dha ninga ethimbo ngashiingeyi.
Elelo epe otaku popiwa lya gwedhele oondjambi dhawo dhokomwedhi mwakwatelwa ondjambi yaAmushanga, ndjoka ya gwedhelwa okuza pooN$1 300 komwedhi kuya kooN$11 000 komwedhi. Omupopiliko gwOmukwaniilwa gwaNdonga, Immanuel Kauluma Elifas, na okuli elenga enene moshikandjo sha Oniimwandi, ' Naeman Amalwa okwa koleke kutya otaya kongo iimaliwa mbyoka ya kana okuza komayalulo gombaanga yaStandard Bank, na oyuukithwa komayalulo gombaanga yahahende gwaaleli mboka ya tidhwa.
Nonando ongaaka Amalwa okwa popi kutya ita vulu okugadja uuyelele awuhe na okwa ukitha omapulo agehe kuAmupanda. Ngoka a popi pehala lyookansela mboka yali ya tidhwa miilonga, Kashona kaMalulu okwa koleke kutya iimaliwa mbyoka oya futwa ehangano lyoohahende, na osha ningwa nepitiko lyaakwashigwana mboka ya yambidhidha mokugongela iimaliwa mbyoka. Okwa popi kutya oya futa ooN$400 000 ihe kayi shi oomiliyona N$1.4, ngaashi tashi popiwa.
Konima nkene twa tula miilonga opoloyeka ndjoka, otwa gongele oshimaliwa shooN$600 000 ihe kayi shi oomiliyona 1.4 ngaashi elelo ndyoka epe tali popi.
“Otwa pula aakwashigwana mboka ya gandja iimaliwa mbyoka opo tu yi longithe po. Na ya popye woo kombinga yoomiliyona 1.5 ndhoka dha kana okuza komayalulo gombaanga yelelo,” kaMalulu a popi.
Okwa tsikile kutya elelo epe kali oonkondo dhiinakugwanithwa yelelo, naaakwashigwana oya tindi okufuta iigandjwa yawo.
KaMalulu okwa popi woo kutya Nepando ota ningile omatilitho aakwashigwana kutya otaya ka kuthwa omavi gawo niimuna yawo ngele otaya tindi okufuta iigandjwa yawo.
MuJuli, Elifas okwa kutha miilonga omunashipundi gwelelo lyaNdonga, Peter Kauluma, omupopiliko gwelelo ndyoka, Joseph Asino oshowo omalenga omanene ngaashi Walenga, Tonata Ngulu, Kashona Malulu, Joseph Akawa, Fillemon Nambili naVilho Kamanya.
Oonakutidhwa otaya kongo ekwatho kOmpangu yoPombanda.
ILENI NANDJATO