Iiponokela tayi ningilwa aatalelipo tayi londo pombanda Oshikondo shaatalelipo moshilongo otashi kanitha ongushu yasho omolwa omaponokelo ngoka taga ningilwa aatalelipo.
Pethimbo Namibia, a wayimine uuyuni mokudhimbuluka Esiku lyOmatalelepo mUuyuni, Omupevi minista gwUuministeli wOmidhingoloko, Tommy Nambahu okwa pula ekalekepo lyegameno lyaatalelipo moshilongo.
Okutameka Olyomakaya ga piti, okwa lopotwa iiponokela ya ningilwa aatalelipo yi li itatu mOvenduka. Nambahu okwa popi kutya aakalelipo yiilongo yimwepo, ngaashi Canada naUk po oya kunkilile aakwashigwana yawo, opo ya talulule omatokolo gawo okutalela po Namibia, omolwa iimbluma mbyoka tayi ningilwa aapashiyoni mbyoka tayi londo pombanda noonkondo moshilongo.
“Iinima yili ngaaka otayi shundula ethano lyoshilongo shetu, nokuhanagulapo oshikondo shaatalelipo moshilongo, oshowo okuya moshipala oonkambadhala ndhoka tadhi ningwa kepangelo okupitila moNamibia Tourism Board.”
Nambahu okwa tsikile kutya oshizemo shehanagulepo lyoshikondo shaatalelipo otashi kala ekanitho lyiilonga oshowo iiyemo moshilongo.
Miiponokela yongashiingeyi mbyoka ya ningwa, aatalelipo yaali AaGermany oya yekwa iinima yawo moChristuskirche mOvenduka mEtiyali. Aafekelwa yamwe po moshiponokela shoka oya tulwa miipandeko na okwa hololwa kutya oya kutha ombinga miiponokela yilwe ya ningilwa aatalelipo. Molyomakaya, aatalelipo yaali oya ponokelwa kaalumentu yane ya homata oombele mepandanda lyaJohn Meinert omanga mOsoondaha, oongangala dha ponokele omutalelipo omunamimvo 57, pegumbo lyaayenda momudhingoloko gwaAvis mOvenduka.
Oongangala ndhoka otaku hokololwa dha tete ondhalate yegumbo ndyoka tali adhika mepandanda lyaSchuckmann omanga inaya ponokela omunambelewa omukeeleli gwomaliko nokumukutha ondjembo ye.
Oya yeke omutalelipo ngoka oshimaliwa shooN$7 000, ethano, okakalata kombaanga, oongodhi dhopeke, owili, olaptop nuumemory cards.
ELLANIE SMIT
Pethimbo Namibia, a wayimine uuyuni mokudhimbuluka Esiku lyOmatalelepo mUuyuni, Omupevi minista gwUuministeli wOmidhingoloko, Tommy Nambahu okwa pula ekalekepo lyegameno lyaatalelipo moshilongo.
Okutameka Olyomakaya ga piti, okwa lopotwa iiponokela ya ningilwa aatalelipo yi li itatu mOvenduka. Nambahu okwa popi kutya aakalelipo yiilongo yimwepo, ngaashi Canada naUk po oya kunkilile aakwashigwana yawo, opo ya talulule omatokolo gawo okutalela po Namibia, omolwa iimbluma mbyoka tayi ningilwa aapashiyoni mbyoka tayi londo pombanda noonkondo moshilongo.
“Iinima yili ngaaka otayi shundula ethano lyoshilongo shetu, nokuhanagulapo oshikondo shaatalelipo moshilongo, oshowo okuya moshipala oonkambadhala ndhoka tadhi ningwa kepangelo okupitila moNamibia Tourism Board.”
Nambahu okwa tsikile kutya oshizemo shehanagulepo lyoshikondo shaatalelipo otashi kala ekanitho lyiilonga oshowo iiyemo moshilongo.
Miiponokela yongashiingeyi mbyoka ya ningwa, aatalelipo yaali AaGermany oya yekwa iinima yawo moChristuskirche mOvenduka mEtiyali. Aafekelwa yamwe po moshiponokela shoka oya tulwa miipandeko na okwa hololwa kutya oya kutha ombinga miiponokela yilwe ya ningilwa aatalelipo. Molyomakaya, aatalelipo yaali oya ponokelwa kaalumentu yane ya homata oombele mepandanda lyaJohn Meinert omanga mOsoondaha, oongangala dha ponokele omutalelipo omunamimvo 57, pegumbo lyaayenda momudhingoloko gwaAvis mOvenduka.
Oongangala ndhoka otaku hokololwa dha tete ondhalate yegumbo ndyoka tali adhika mepandanda lyaSchuckmann omanga inaya ponokela omunambelewa omukeeleli gwomaliko nokumukutha ondjembo ye.
Oya yeke omutalelipo ngoka oshimaliwa shooN$7 000, ethano, okakalata kombaanga, oongodhi dhopeke, owili, olaptop nuumemory cards.
ELLANIE SMIT