Namibia okwa taalela ondjala Ngele Namibia okwa ndopa okutula miilonga omikalo omipe ndhoka tadhi vulu okulongithwa menduluko lyiikulya unene muunafaalama opo ku vule okukala taku monika eteyo ewanawa, nena oshilongo otashi ka taalela ondjala.
Pethimbo lyo18th edition of the Bank of Namibia Annual Symposium , aatseyinawa moshikondo shuunamapya oya popi kutya okwa pumbwa okulundulula omikalo dhe ndhoka ha longitha moshilongo muunafaalama. Mo-2015 oshowo 2016, Namibia okwa lopota oshikukuta oshinene shoka sha dhenge oshilongo omolwa omuloka gwankundipala ngoka gwa dhidhilikwa moshilongo.
Moshipopiwa she sho a taambako aakuthimbinga momutumba ngoka gwa ningwa, Ngoloneya gwoBoN, Iipumbu Shiimi, okwa popi kutya otashi ulike kutya Namibia okwa taalela omukundu.
Shiimi okwa tsu omuthindo kutya ompito opo yi li, opo Namibia a vule okulundulula omukalo ngoka ha longitha moshikondo she shuunamapya.
Pahapu dhaPaul Smit, Omupresidende nale gwoNamibia Agricultural Union, konyala oopresenda 60% dhaakwashigwana moshilongo oyiikolelela kuunafaalama, sho Namibia e na oohecta dhevi dhoomiliona 64, dhoka hadhi longithwa muunafaalama.
Smit okwa popi kutya omolwa omuloka gwa nkundipala ngoka gwa dhidhilikwa moshilongo uule woomvula dha piti, oohecta owala 40 000 odho hadhi vulu okuza iipalutha ya gwana moshilongo, sho oshilongo sha dhengwa konkalo yoshikukuta uule woomvula hamano.
Onkalo yimwe ndjoka tayi nayipalekitha onkalo, ekanitho liikulya yaavalelwa mo oshowo okwaahena ontseyo nkene iikulya mbyoka tahi longekidhwa. Onkalo ndjoka oya etithwa komalinduluko monkalo yiikulya mbyoka hayi liwa, ihe iikulya mbyoka otayi vulu okukwathela mekeelelo lyonkalo yoshikukuta.
JEMIMA BEUKES
Pethimbo lyo18th edition of the Bank of Namibia Annual Symposium , aatseyinawa moshikondo shuunamapya oya popi kutya okwa pumbwa okulundulula omikalo dhe ndhoka ha longitha moshilongo muunafaalama. Mo-2015 oshowo 2016, Namibia okwa lopota oshikukuta oshinene shoka sha dhenge oshilongo omolwa omuloka gwankundipala ngoka gwa dhidhilikwa moshilongo.
Moshipopiwa she sho a taambako aakuthimbinga momutumba ngoka gwa ningwa, Ngoloneya gwoBoN, Iipumbu Shiimi, okwa popi kutya otashi ulike kutya Namibia okwa taalela omukundu.
Shiimi okwa tsu omuthindo kutya ompito opo yi li, opo Namibia a vule okulundulula omukalo ngoka ha longitha moshikondo she shuunamapya.
Pahapu dhaPaul Smit, Omupresidende nale gwoNamibia Agricultural Union, konyala oopresenda 60% dhaakwashigwana moshilongo oyiikolelela kuunafaalama, sho Namibia e na oohecta dhevi dhoomiliona 64, dhoka hadhi longithwa muunafaalama.
Smit okwa popi kutya omolwa omuloka gwa nkundipala ngoka gwa dhidhilikwa moshilongo uule woomvula dha piti, oohecta owala 40 000 odho hadhi vulu okuza iipalutha ya gwana moshilongo, sho oshilongo sha dhengwa konkalo yoshikukuta uule woomvula hamano.
Onkalo yimwe ndjoka tayi nayipalekitha onkalo, ekanitho liikulya yaavalelwa mo oshowo okwaahena ontseyo nkene iikulya mbyoka tahi longekidhwa. Onkalo ndjoka oya etithwa komalinduluko monkalo yiikulya mbyoka hayi liwa, ihe iikulya mbyoka otayi vulu okukwathela mekeelelo lyonkalo yoshikukuta.
JEMIMA BEUKES