Omasipa gAaNamibia ga adhika moompungulilo dhaUS Iipongolo yAaNamibia yane, aakwashigwana yomuhoko gAaNama nAaHereoro oya adhika moongulu dhoompungulilo dhondjokonona yoMuseum of Natural History moNew York.
Kwiikwatelelwa komuleli gwAaHerero, Chief Vekuii Rukoro, okwa popi kutya okwa tseyithilwa onkundana ndjoka komunaveta Kenneth McCallion.
McCallion oye ta kalelepo aakwashigwana yAaNama oshowo AaHerero mboka taya tulilemo Germany oshipotha, omolwa omadhipago ga kiinahenda ngoka ga ningilwa aakwashigwana mboka moomvula dho1904-08.
Momukanda ngoka gwa pitithwa, Rukoro okwa popi kutya iipongolo mbyoka, oyi li oshitopolwa shiigongelwa yopaumwene yOmuprofessa Felix von Luschan, gwOkahandja Battalion.
Okwa popiwa kutya, omuprofessa ngoka okwa landitha iipongolo mbyoka kaailongi yuunamiti oshowo kiiputudhilo yaGermany, nayimwe okwe yi landitha mongulumpungulilo ndjoka yaMuseum of Natural history moNew York City.
Rukoro, okwa popi kutya okwa ningwa omalongekidho opo aakwashigwana yAaNama, nAaherero ya ka tale iipongolo mbyoka muKotomba sho taya yi koompangu.
Okwa popi kutya otaya pula opo iipongolo mbyoka yi kalekwe moUnited States of America popepi noStatute of Liberty oshowo oombonge dhoUnited Nations.
Sha landula omakonaakono ga ningwa opo ku monike kutya openi pwa tulwa iipongolo, yaakwashigwana mboka yaNamibia, osha monika mo oomvula ndatu dha piti kutya iipongolo mbyoka oyi li momaulikilo giiputudhilo yuunamiti.
JEMIMA BEUKES
Kwiikwatelelwa komuleli gwAaHerero, Chief Vekuii Rukoro, okwa popi kutya okwa tseyithilwa onkundana ndjoka komunaveta Kenneth McCallion.
McCallion oye ta kalelepo aakwashigwana yAaNama oshowo AaHerero mboka taya tulilemo Germany oshipotha, omolwa omadhipago ga kiinahenda ngoka ga ningilwa aakwashigwana mboka moomvula dho1904-08.
Momukanda ngoka gwa pitithwa, Rukoro okwa popi kutya iipongolo mbyoka, oyi li oshitopolwa shiigongelwa yopaumwene yOmuprofessa Felix von Luschan, gwOkahandja Battalion.
Okwa popiwa kutya, omuprofessa ngoka okwa landitha iipongolo mbyoka kaailongi yuunamiti oshowo kiiputudhilo yaGermany, nayimwe okwe yi landitha mongulumpungulilo ndjoka yaMuseum of Natural history moNew York City.
Rukoro, okwa popi kutya okwa ningwa omalongekidho opo aakwashigwana yAaNama, nAaherero ya ka tale iipongolo mbyoka muKotomba sho taya yi koompangu.
Okwa popi kutya otaya pula opo iipongolo mbyoka yi kalekwe moUnited States of America popepi noStatute of Liberty oshowo oombonge dhoUnited Nations.
Sha landula omakonaakono ga ningwa opo ku monike kutya openi pwa tulwa iipongolo, yaakwashigwana mboka yaNamibia, osha monika mo oomvula ndatu dha piti kutya iipongolo mbyoka oyi li momaulikilo giiputudhilo yuunamiti.
JEMIMA BEUKES