Omatala gaShikango ga patululwa Nonando omatala ngoka ga kala ga tegelelwa ethimbo nuule mOsshikango oga patululwa mehuliloshiwike ndika lya piti, Elelo lyOndoolopa yaHelao Nafidi olya popi kutya natango ope na omapuko omashona ngoka ga pumbwa okuwapalekwa.
Omatala ngoka taga adhika mondoolopa yaShikango oga patululwa mEtitano lya piti, sha landula etokolo ndyoka lya ningwa kelelo lyondoolopa momasiku gatatu gaAguste.
Okwa ningwa etokolo opo omatala ngoka ga tungwa kongushu yoomiliyona 5.8, na inaga tulwa natango ehala lyokuthikamena oombesa opo ga patululwe, nuutile kutya otashi vulika ga gwe ongushu.
Omatala ngoka oga tungwa taga vulu okukala aalandithi ya thika po-400.
Oshifokundaneki shoNamibian Sun osha talele po omatala ngoka mehuliloshiwike, nomwaalu ogundji guutala wokulandithila momatala ngoka owu na aalandithi.
Aalandithi okuza molukanda lwaKatwitwi, oyo ya pewa ompito yotango pamwe naalandithi aakwashigwana yaAngola mboka taya landithile pehala lya andjuka.
Molwaashoka aalandithi yomoKatwitwi oyali haya lala pehala mpoka taya landithile, shoka osha dhigupalela elelo lyondoolopa opo li monene ehala lyopopepi aalandithi mbyoka, mpoka taya kala taya zi.
Oomwedhi dha piti, Mayola gwondoolopa yaHelao Nafidi Eliaser Nghipangelwa, okwa popi kutya oya mona ehala mpoka taya vulu oku tula aalandithi mboka, ihe ngashiingeyi okwa popi kutya ehala ndyoka itali wapala molwaashoka aalandithi oyendji natango ohayi zi mOkatwiwti.
Okwa popi kutya uupyakadhi mboka otaye ku kandula po, okuya pehulilo lyoshiwike shika.
Okwa hololwa kutya aalandithi yomoshilongo otaya nana nuudhigu moongeshefa dhawo sho iilandithomwa tayi yakelwa moshilong, kaalandithi yaAngola. Iilandithomwa mbyoka tayi yakelwa moshilongo ongaashi omalwishi, osuuka nomahooli. Onkalo inayi guma owala aalandithi yokolupadhi ihe noostola woo.
Epangelo nalyo otali kanitha woo iiyemo, sho itaku futwa iishoshela kiilandithomwa mbyoka tayi yakelwa moshilongo.
Sho a pulwa kombinga yonkalo ndjoka, Nghipangelwa okwa popi kutya shoka oshi li oshinakugwanithwa shopolisi, opo yi pula aantu ayehe mboka taya ningi oongeshfa oombaapila dhuumbangi kutya iilandithomwa oya zi peni.
Okwa popi kutya pwa li ethimbo mpoka elelo lyondoolopa yahala okukatukila onkatu aalandithi mboka, ihe omolwa ekwatathano ewanawa pokati kaNamibia naAngola, inaya hala okupiyaganeka ombili.
Sho oshifo shika sha li sha talelepo olukanda lwaKatwitwi aanambelewa yopolisi oyali taya monika taya kutha ko iilandithomwa mbyoka ya yakelwa moshilongo, ihe aalandithi mboka oya tembukile moondoolopa dhilwe ngaashi Ondangwa moka omo taya landithile ngashiingeyi.
Kansela melelo lyondoolopa ndjoka, oshilyo shongundu yoRally for Democracy and Progress (RDP), Vilho Shimuoshili, okwa popi kutya omalelo goondoolopa kage na iimaliwa omolwa iinima ngaashi mbyoka, sho aantu haya pitikwa opo ya ninge shoka yahala. Okwa popi kutya ongeshefa mOshikango oya gwa pevi molwaashoka ope na ethigathano enene omolwa aalandithi mboka taya landithile iilandithomwa yawo kondando yopevi momapandaanda. Okwa popi kutya onkalo ndjoka oya pumbwa okutalika.
Omolwa onkalo yeyakelo lyomahooli moshilongo okuza moAngola, aaniihauto ohaya yi molukanda lwaKatwitwi nokulanda omahooli gawo.
KENYA KAMBOWE
Omatala ngoka taga adhika mondoolopa yaShikango oga patululwa mEtitano lya piti, sha landula etokolo ndyoka lya ningwa kelelo lyondoolopa momasiku gatatu gaAguste.
Okwa ningwa etokolo opo omatala ngoka ga tungwa kongushu yoomiliyona 5.8, na inaga tulwa natango ehala lyokuthikamena oombesa opo ga patululwe, nuutile kutya otashi vulika ga gwe ongushu.
Omatala ngoka oga tungwa taga vulu okukala aalandithi ya thika po-400.
Oshifokundaneki shoNamibian Sun osha talele po omatala ngoka mehuliloshiwike, nomwaalu ogundji guutala wokulandithila momatala ngoka owu na aalandithi.
Aalandithi okuza molukanda lwaKatwitwi, oyo ya pewa ompito yotango pamwe naalandithi aakwashigwana yaAngola mboka taya landithile pehala lya andjuka.
Molwaashoka aalandithi yomoKatwitwi oyali haya lala pehala mpoka taya landithile, shoka osha dhigupalela elelo lyondoolopa opo li monene ehala lyopopepi aalandithi mbyoka, mpoka taya kala taya zi.
Oomwedhi dha piti, Mayola gwondoolopa yaHelao Nafidi Eliaser Nghipangelwa, okwa popi kutya oya mona ehala mpoka taya vulu oku tula aalandithi mboka, ihe ngashiingeyi okwa popi kutya ehala ndyoka itali wapala molwaashoka aalandithi oyendji natango ohayi zi mOkatwiwti.
Okwa popi kutya uupyakadhi mboka otaye ku kandula po, okuya pehulilo lyoshiwike shika.
Okwa hololwa kutya aalandithi yomoshilongo otaya nana nuudhigu moongeshefa dhawo sho iilandithomwa tayi yakelwa moshilong, kaalandithi yaAngola. Iilandithomwa mbyoka tayi yakelwa moshilongo ongaashi omalwishi, osuuka nomahooli. Onkalo inayi guma owala aalandithi yokolupadhi ihe noostola woo.
Epangelo nalyo otali kanitha woo iiyemo, sho itaku futwa iishoshela kiilandithomwa mbyoka tayi yakelwa moshilongo.
Sho a pulwa kombinga yonkalo ndjoka, Nghipangelwa okwa popi kutya shoka oshi li oshinakugwanithwa shopolisi, opo yi pula aantu ayehe mboka taya ningi oongeshfa oombaapila dhuumbangi kutya iilandithomwa oya zi peni.
Okwa popi kutya pwa li ethimbo mpoka elelo lyondoolopa yahala okukatukila onkatu aalandithi mboka, ihe omolwa ekwatathano ewanawa pokati kaNamibia naAngola, inaya hala okupiyaganeka ombili.
Sho oshifo shika sha li sha talelepo olukanda lwaKatwitwi aanambelewa yopolisi oyali taya monika taya kutha ko iilandithomwa mbyoka ya yakelwa moshilongo, ihe aalandithi mboka oya tembukile moondoolopa dhilwe ngaashi Ondangwa moka omo taya landithile ngashiingeyi.
Kansela melelo lyondoolopa ndjoka, oshilyo shongundu yoRally for Democracy and Progress (RDP), Vilho Shimuoshili, okwa popi kutya omalelo goondoolopa kage na iimaliwa omolwa iinima ngaashi mbyoka, sho aantu haya pitikwa opo ya ninge shoka yahala. Okwa popi kutya ongeshefa mOshikango oya gwa pevi molwaashoka ope na ethigathano enene omolwa aalandithi mboka taya landithile iilandithomwa yawo kondando yopevi momapandaanda. Okwa popi kutya onkalo ndjoka oya pumbwa okutalika.
Omolwa onkalo yeyakelo lyomahooli moshilongo okuza moAngola, aaniihauto ohaya yi molukanda lwaKatwitwi nokulanda omahooli gawo.
KENYA KAMBOWE