Omunangeshefa a tindi ondjo medhipago

Omunangeshefa a tindi ondjo medhipagoKali aniwa e na elalakano lyokudhipaga Omunangeshefa gwomonooli yoshilongo, Maurus Valombola, okwa lombwele Ompangulilo yoPombanda yaShakati kutya omulumentu ngoka ta tamanekelwa kutya okwa dhipaga okwa li a yi ontuku konima sho ya kondjo kashona. Maurus Valombola oshiwike shika okwa popi kutya ke na ondjo medhipago lyaBenhard Kalimbo mo- 2013.

Kalimbo okwa hulitha momasiku 7 Februali 2013 mOshipangelo shaShakati, konima sho a dhengwa nokupumwa noshiyenditho kuValombola. Oshiningwanima shoka osha ningilwa momudhingoloko Okeeke moshikandjo sha Anamulenge moshitopolwa shaMusati.

“Hangame,” Valombola a lombwele ompangu sho a holola komeho yOmupanguli Werner Januarie mEtiyali.

Pahokololo lya Valombola, ye pamwe nanakusa oyali taya tamanana mondunda ye yomanwino yedhina, MK Special momasiku ya 6 gaFebruali, sha etitha a dhenge nakusa noshiti shosnooker nokumutilitha nondjembo ndjoka a kala a taalelitha pevi.

Pethimbo sho a gandja uumbangi we, Valombola okwa popi kutya kali e na elalakano lyokudhipaga nakusa onkene ina pewa uusama medhipago ndyoka. Pethimbo lyomapulaapulo ngoka a ningilwa kuLucious Matota, Valombola okwa popi kutya ope na ompito a lundilwe komuntu gumwe , nokugandja uumbangi wa puka.

Shoka osha landula shoValombola a pataneke omaumbangi ga gandjwa koombangi dha yooloka mwakwatelwa gumwe gwomaaniilonga ye.

Momaumbangi omwa kwatelwa woo oshiti shosnooker shoka ha longithwa mokudhenga nakusa, shoka sha teka.

Oombangi odha lombwele ompangu kutya Valombola okwa dhenge nakusa noshiti shoka sha teka meendelelo.

Valombola okwa pataneke uumbangimboka kutya oshiti osha teka sho nakusa e shi kwata na okwa li a hala okumu dhenga nasho nopehala oshiidhenge momweelo e ta shi teka.

“Oshiti inashi teka sho nde mu dhenge nasho ihe osho e shi kutha ndje e shi dhengithendje ihe osha idhenge momweelo e ta shi teka.”

Sho a hokolola kutya oshike sha e ta oontamanana, Valombola okwa lombwele ompangu kutya sho a dhiki pondunda ye ndjoka yomanwino lyopotundi 22:00, gumwe gwomaaniilonga okwe mu lombwele kutya nakusa okwa li ta ontameke kotuunumbanga yomalandithilo.

Okwa popi kutya okwe mu pula kutya omolwashike toontameke ngaaka, molwashoka mbyoka iinima hayi ningwa kaafuthi.

Okwa popi kutya konima okwa thigi po nakusa na okwa kala ta dhana osnooker. Konima okwa lombwele aantu ayehe ya thigepo ondunda molwaashoka olya li ethimbo lyokupata.

Valombola okwa lombwele nakusa ihe okwa li ta ende nethimbo lye na okwa hala okuya nokahalasa.

Okwa tsikile kutya oya tameke taya kondjo na okwa kutha oshiti shosnooker shoka, nakusa e mu yeke na okwa kambadhala okumu dhenga nasho. okwa popi kutya okwa kutha ondjembo na okwa umbu pevi. Okwiipopile kutya okwa kutha ondjembo onga omukalo gwokwiigamena nokugamena omaliko ge, ihe Kalimbo okwa fadhuka po ihe inaya kokule na okwa kala tuumbu nomamanya Valombola.

Okwa popi kutya okuza mpoka okwa yi kondunda ye yimwe yi li momukunda Ombathi oshinano shookilometa 8, na okwa galukile pomukunda Okeeke.

Mondjila ye yokugaluka aniwa, oya pingathana nanakusa. Okwa popi kutya okwa zi mo mohauto ye na okwa pula nakusa kombinga yaashoka sha holoka po, okwa popi kutya nakusa okwe mu pe ombili. Okwa pula nakusa opo a londe mohauto e mu fale opolisi, ihe okwa tindi nokuya ontuku. Okwa popi kutya opo iihula nakusa mpoka. Oshipotha otashi tsikile

Valombola okwa kalelwa po kuPieter Greyling.

KENYA KAMBOWE