Lyeenda ongula, olyo ha li toola ohima

Lyeenda ongula, olyo ha li toola ohima Okuza petameko lyoshikako shomuloka omwaanawa, kakele komeya moondama, omuloka ogweetelele wo omagungu – sho osho uwete aalumentu naakiintu taya monika ya kakanya omano yatya omahemele mooha nondjila pokati kaRehoboth naOmeya taya likola omagungu.

Pahapu dhaCornelia Geronimos, gumwe gwomwaamboka haya piti ongula oku ka likola omagungu ,okwa popi kutya ethimbo lyokulikola omagungu lyoopala okushininga manga Februali ina sa oshoka oha gashuna kehulilo lyomwedhi nguka. Omagungu ogehole kiihwa nokomiti dheno lyOmudhilankono”, ha li adhika unene kiitopolwa yo pokati oshow kuumbugantu woshilongo no lyatseyika nawa melaka lyoshimbulu nedhina wag –‘bietjie (tashi ti tegelela kashona/inweendelela) ohali ithanwa woo buffalo thorn bush.

Geronimos, ngaashi naana yakwawo yalwe ohaya likolele momahemele gopainda goolita 10, ngoka mokugalukila kOvenduka ha yeya okukalanditha nenge okukalya yoyene.

Sho oshifo shoNamibia Sun shathiki osha a dha a londa komuti ta tonona nokulikola omagungu pombanda, ngoka gakoka nogena uule woocm 4.

“Otandi vulu oku ke gaanditha kwaamboka yegahala ihe ngashiingeyi otandi likolele aanegumbo lyandje ya kalye. Mokulanditha ohandi pula ooN$20 mokakopi koomililita 250,” Geronimos ta ti, omanga ta tonona oshigungu komuti.

Aakiintu mbaka oha yathiki aluhe pehala ndika lwopotundi onti-05:00 nokuzimbuka pokati komutenya opo ya tala kutya oya likola shi thike peni, omanga ina yatameka nduno oku opaleka omagungu gawo. Aluhe otuna okweendelela omanga ina gashuna mevi ga kashitukile molupe lwomambilimbili, ngoka tse kaatuna oshilonga na go, onkene otuna oku gakwata manga geli komiti, ta yelitha ngaaka.



Omapuka ngaka ga tseyika nedhina Gonimbrasia belina, ohaga adhika miilongo yomUumbugantu waAfrika moka muna onkalo yuupyu wopokati. Namibia okuli egumbo lyomaludhi lwomapuka ngaka ta ga tengenekelwa poopresenda 14.

Omapuka ngaka ohaga li unene omafo gomiti dhomisati, nomiti ndhika unene moNamibia ohadhi adhika muumbangalantu oshowo muumbangalantu-zilo woshilongo, nomagungu oga talikako kutya iikulya yasimana niitoye koyendji.

Oshakolekwa nawa kutya omagungu ogena ongushu yiitungithi yolutu nomaludhi gago gathika lwopo-80 oge na oopresenda 192% mo protein esiku kehe, oshowo oopresenda 360% dhiimongwa (calcium) omanga oopresenda dhi vulithe po-15 000% odho dhoiron, ndjono yasimana mokukoleka omasipa, omagungu omawaanawa oshoka ogena ondjele yomagadhi yili pevi (ano o cholesterol.

Omagungu unene ohaga landithwa ga kukutikwa nenge ga telekwa no hagalandithwa unene momatala gaayehe na unene oha galiwa noshithima.

JEMIMA BEUKES