Aanapaliamende yahala okwiidhenga noongonyo

Aanapaliamende yahala okwiidhenga noongonyo Omutumba gwoPashigwana onkene tagu tsikile nokuninga ehala lyiita yopakana, omaipumomumwe nomatukano mokati kiilyo yomutumba ngoka gwasimana moshilongo. NAMPA

OVENDUKA

Ø Shifeta naSwartbooi konyala yiikwate moonyala

Metine lyoshiwike sha piti Omutumba gwoPashigwana ogwa hulile ondjilakati konima sho Ominista yOmidhingoloko Pohamba Shifeta a pula Omuleli gwongundu yoLandless People’s Movement (LPM), Bernadus Swartbooi oshowo Henny Seibeb ya pite pondje ya kiidhenge noongonyo.

Mboka yaali oya piti pondje ypaliamende. Swartbooi okwa kala a tegelela pondje, niilyo yomutumba ngoka yoSwapo oya kwata Shifetatayi mwiindike.

Oshilyo shomutumba shongundu yoPopular Democratic Movement, Vipuakuje Muharukua naye okwa kambadhala okukankameka Swartbooi.

Iilyo mbyoka iyali oya shuna kiipundi yawo.

Oontamanana dhoka odha etithwa kepulo ndyoka lya pulwa kuSeibeb gwongundu yoLPM, ta pula Ominista yOmayambulepo gOondoolopa nIitopolwa, Erastus Uutoni, omolwa etindo lyookansela yoSwapo okuwayimina okomitiye yelelo lyoshitopolwa sha||Kharas ,moonkambadhala okupiyaganeka eleleo lyoLPM moshitopolwa shoka.

Meni lyomutumba, Omupevi minista gwoshikondo shegameno,

Hilma Nicanor okwa ponokele nomalaka Swartbooi, ta popi kutya ke na sho a pondola pethimbo a li ngoloneya gwoshitopolwa sha||Kharas.

“Owa pondola owala…Ngoye omundopi. Otandi vulu okushi koleka.”

Swartbooi okwa yamukula Nicanor niitya inayi opala .

“Ngoye ku na oshilonga…oho ehama oshipwatagula okuza kokudhilaadhila. Ngoye omulodhi.”

Omupeha omupopi megumb lyoPashigwana, Loide Kasingo okwa ndopa okweeta engungumano megumbo ndyoka nomutumba ogwa kalekwa.

Sho ya yi pondje natango Swartbooi naShifeta oya kambadhala okukondja ishewe, naanambelewa yegameno oye ya kutha kumwe.

Ominista yoomina niikwankondo Tom Alweendo okwa nyana omaihumbato giilyo mbyoka.

“Ondi shi shi kutya atuhe otwa hala okuholola iitsa yetu yopapolotika. Atuhe aanapolotika ihe ope na omukalo omwaanawa okushi ninga,” Alweendo a popi ngaaka konzonkundaneki yoNampa.

Seibeb okwa popi kutya aapopi yegumbo ndyoka otaya nyengwa okukaleka elandulathano momutumba, na ohaya gama ombinga, unene ngele iilyo yoSwapo ya yi pndje yomilandu ihayi gandwa nenge yi tidhwe mo momutumba.