Omulumentu a tulwa miipandeko sho a tsu mukwawo nombele momukunda Omusimboti NAMPAOSHAKATI
Opolisi mOngwediva moshitopolwa shaShana mEtine lya piti oya tula miipandeko omulumentu gwoomvula 21 momukunda Omusimboti sho a tsu omulumentu omukwawo gwoomvula 23 mEtitatu lya piti omolwa elongitho lyoselula.
Omunambelewa omukonaakoni, Thomas Aiyambo, gwombelewa yiikumungu yaakwashigwana mOpolisi yaShana, okwa popi kutya oshiningwanima shoka osha holoka lwopotundi onti 20h00 puundingosho wedhina Ondalaye momukunda Omagongati.
Otaku hokololwa kutya nakuninga oshihakanwa okwa yi moontamama nomufekelwa temu lundile kutya okwa yakako omadhengo ge gongodhi gongushu yooN$5 okuza kongodhi ye.
Nakuninga oshihakanwa okwa tsuwa nombele yokapi mepunda na okwa ehamekwa noonkondo e li monkalo tayi nuwa omeya moshipangelo shaShakati.
Omutamanekwa okwa holoka mompangulilo yamangestrata gwaShakati Etitano lya piti.