Omulumentu a yahwa pamupya

Omulumentu a yahwa pamupya NAMPA

RUNDU



Opolisi yaNamibia moshitopolwa shaKavango East otayi konaakona oshipotha shonkambadhala yedhipago, konima sho omulumentu gwoomvula 43 a yaha omulumentu gwoomvula22 mofaalama yedhina Kakuro moshikandjohogololo Ndonga Linena, ongulohi yEtitatu lya piti.

Palopota ndjoka ya pewa oNampa kopolisi, otaku hokololwa kutya omufekelwa okwa li teende okuza kohambo okuya megumbo pofaalama, a humbata ondjembo, sho oshiningwanima shoka sha holoka potundi o 19h00.

Olopota oya tsikile kutya omufekelwa ngoka e li omukalimo gwomomukunda Sisidjo, tagu a adhika moshikandjohogololo sha faathana okwa tsakanene noshinima sha fa oshiyamakuti, na okwa dhilaadhila kutya okaandje ngiika, na okwa tokola okushuumba.

Konima sho uumbu omufekelwa okuuvu ombwa tayi gwedha oshowo omuntu tiigidha ta pula ekwatho, nokonima okwa nongele kutya okwa yaha omuntu ngoka a li ta ende a fa ombwa.

Nakuninga oshihakanwa okwa dhimbululwa kutya, oShevekwa Shikukutu a za mofaalama ya faathana, na okwa yahwa kombinga yokolulyo mepunda oshowo metundji lyokolulyo, omanga ombwa ye nayo yeehamekwa.

Shikukutu okwa falwa moshipangeo shaNyangana na okwa lopotwa e li monkalo ohwepo. Ondjembo niikuti oya kuthwa ko opo ku tsikilwe nokuningwa omakonaakono. Omufekelwa okwa tulwa miipandeko ta tamanekelwa oshipotha shonkambadhala yedhipago.

Moshiningwanima sha yooloka, omunamimvo 54 okwa hulitha momudhingoloko Tjova-Divayi moshikandjohogololo Mukwe mOkavango East konima sho ohauto moka a li ya ningi oshiponga mEtitatu. Oshiponga osha holoka lwopotundi onti 17h00.