NCCI ita popile ekaleko lyootendela dhepangeloEhangano lyAanangeshefa olya indile epangelo opo li talulule etokolo lyokukaleka egandjo lyootendela molwaashoka etokolo ndyoka otali gumu nayi oongeshefa ooshona naadhoka dhopokati. Epangelo nali talulule etokolo ndyoka lya ningi Etokolo lyepangelo opo li kaleke manga egandjo lyootendela sigo kwa manithwa etalululo lyelongitho lyiimaliwa, otali ka guma noonkondo aanangeshefa.Ngoka omaiyuvo gwEhangano lyAanangesehfa mOnooli yoshilongo.
Etokolo ndyoka olya ningwa pethimbo mpoka aanangeshefa ya tala owala kepangelo opo li ya pe iilonga , pahapu dhomunashipundi gwoNCCI mOnooli yoshilongo, Tomas Iindji.
Okwa popi kutya ngele epangelo inali lundulula etokolo lyalyo, nena otapu ka kala uudhigu uunene mokati koongeshefa.
Kombinga yeyambidhidho lyaanangeshefa aashona naamboka yopokati,Iindji okwa popi kutya oongeshefa dhoka otadhi yambidhidha kekoko lyeliko unene, okuyeleka noongeshefa dhilwe.
Onga omadhidhiliko kutya epangelo otali tala kokukwathela aanangesehfa mboka aashoka, Ominista yEliko oshiwike shika oya pitithwa elombwelo tali pula oongeshefa adhihe ooshona naadhoka dhopokati opo dhi imonene omukanda ngoka hagu ithanwa ‘tax good standing certificates’ opo dhi vule okumona iifuta okuza kepangelo omanga iifuta yiilonga nomayakulo ngoka ya gandja kepangelo.
Shoka osha ningwa konima sho uuministeli muAguste wa gandja elombwelo kutya oongeshefa adhihe odha pumbwa okukala nomukanda ngoka onga omukalo gwokuyambulapo elongelo kumwe nomulandu gwiishoshela yepangelo.