Okanona keekelwa mokandjugo 0 Omunambelewa gwopolisi mOshipangelo shaMbaye okwa adha okanona ka ekelwa mokandjugo kaalumentu lyopotundi 16:00 yOsoondaha.Omunambelewa ngoka okwa Ii a kalongitha okandjugo ihe okwa mono kutya kepoto lyokandjugo oku na oshinima sha thitika ko naasho eshi tala nawa okwa mono kutya okanona.
Detective Chief Inspector Erastus Iikuyu okwa popi kutya omakonaakono gopolisi otaga tsikile.
“Katu na omufelelwa ihe kehe ngoka ena uuyelele ota vulu oku wu gandja kopolisi,” Iikuyu ta ti.
Omunambelewa gwopolisi, Ileni Shapumba, okwa holola omaiyuvo ge gonayi omolwa iimbuluma yoludhi ndoka tayi londo nayi pombanda. Momweedhi Aguste, okanona kokakadhona oka adhika ka tulwa pondje yegumbo lyaapangi mOmbaye.
Yina yokanona hoka okwa Ii a tumu okatumwalaka kopoloyeka yoBaby Line opo okanona hoka ka katalwe po pehala mpoka e ka tula.
Maureen Baard, omutotipo gwoBaby Line, okwa popi kutya shoka oshi li oshikando oshitiyali okanona ka dhigwa ngaaka mOmbaye.
“Okanona hoka okeli monkalo ombwaanawa. Alikana tu dhengeleni ko081 221 8081, omanga inamu ekelahi uunona.”
OTIS FINCK