Iimaliwa ya pewa omukokele kayi shi yiikengelela 0 Ombaanga onene moshilongo Bank of Namibia (BoN), oya popi kutya iimaliwa mbyoka taku popiwa kutya oyiikengelela ya pewa omukokele gwedhina Annelise van der Merwe mOpoosa yaMaltahöhe muAguste kayi shi yiikengelela ihe iimaliwa mbyoka ya kulupa ya li ya pitithwa mo-1993.BoN okwa popi ngaaka sha landula oonkundana kombinga yefo lyooN$100 dhoka taku popiwa kutya odhiikengelela dha pewa omukokele ngoka.
Ombaanga onene oya ningi ekwatathano nofamili ya Van der Merwe opo ya tale kutya oshimaliwa shoka tashi popiwa oshili ngiini. Konima sho ya konaakono oshimaliwa oya mono kutya oshimaliwa shoka oshoshili ihe oshikulu.
Ombaanga inayi vula okuyamukula kutya iimaliwa mbyoka iikulu osha ende ngiini naatango yi kale moshigwana.
Okwa popi kutya eshaino ndyoka li li koshimaliwa shoka olyomukwashigwana gwaSweden, E. Karlsson ngoka a li ngoloneya yombaanga pokati kaSepetemba gwo-1991 sigo Apilili gwo1993.
BoN okwa kunkilile opo aakwashaigwana ayehe mboka taya ka mona ya pewa iimaliwa taya fekele kutya oyiikengelela opo ya ninge ekwatathano nopolisi meendelelo nenge nombaanga onene moshilongo. NMH okwa pititha oshinyolwa kutya ofamili ndjoka oya nongele kombinga yoshimaliwa shoka sha nanwa mopoosa kutya oshiikengelela sho omuniilonga peshina moShoprite Checkers moMaerua Mall e shi popi.
Omunambelewa gwoNamPost moMaltahöhe, Claire Januarie, okwali a zimine kutya aaniilonga oya Ii ya lopota iimaliwa yooN$200 yiikengelel aya li ya pewa omukokele gumwe mopoosa yawo ihe okwa li a pewa iimaliwa yomondjila lwanima sho sha monika mo.