Iikumungu yaaniilonga tayi pula unene moondjato dhaanafaalama

Iikumungu yaaniilonga tayi pula unene moondjato dhaanafaalama ELLANIE SMIT

Iifuta yaaniilonga oyi li shimwe shomiinima mbyoka hayi pula oshimaliwa oshindji okuza moondjato dhaanafaalama.

Shoka osha hololwa kuuyelele wa gandjwa moAgricultural Employers Association (AEA) user manual on labour productivity on Namibian farms, ndyoka lya gandja omapukululo kaanafaalama.

Okafo komauyelele hoka, oka holola kutya pauyelele mboka wa gandjwa koNamibia Agriculture Union (NAU) Production Cost Index, iifuta yoopresenda 22 moofaalama oyi li oshitopolwa shiifuta yi na sha naaniilonga moshikondo shoka.

Okafo hoka oka yeleke kutya ngele otaku popiwa iifuta yaaniilonga moshikondo shuunafaalama omwakwatelwa iinima yilwe ngaashi, omadheulo, iikumungu yaaniilonga, oondjambi, uundjolowele, egameno oshowo elongitho lyuutekinika.





Embo ndyoka olya holola kutya aaniilonga mboka ye na uunongo tau pumbiwa ohaya longo nokupondola oshindji okuyeleka naamboka kayena uunongo.

Shotango aagandji yiilonga oya pumbwa okukala taya tala kaaniilonga mboka ye na uunongo pethimbo taya gandja oompito dhiilonga.

“Ngaashi miikondo yimwe, elongitho lyuutekinika moofaalama nalyo otali tula pombanda iilonga. Elongitho lyuutekinika otali nkondopeke aaniilonga opo ya longe oshindji itaya longo oowili odhindji.”

Embo ndyoka natango olya popi kutya uundjolowele otawu dhana onkandangala onene moshikondo shoka.







Natango embo ndyoka oli na oshitopolwa moka lya gandja uuyelele nkene taku vulu okuyelekwa nokuyalulwa iilonga.

Oshiholelwa okuyalula ookilograma dhaashoka sha longwa po momvula nokushitopola noowili dhoka dha longwa komuniilonga kehe momvula.

Okwa popi kutya uumbugantu waAfria owumwe itawu longo nawa ngele tashi ya kiizemo yomayalulo ngoka sho kwa yalulwa owala ookilograma dhi li pokati kambali nantano okuyeleka noowili ndhoka dha longwa omanga Australia a yalulwa ookilograma 80 mowili.

Caption