Omulandu gwokufuta elongo lyopombanda nagu talululwe - Kapere Omulandu omupe gwokufuta omailongo miiputudhilo yopombanda okuza kaailongi AaNamibia, ogwa pumbwa okulundululwa opo aailongi aakwanaluhepo ya vule woo okumona oompito dhokutsikila omailongo gawo miiputudhilo yopombanda.
Omunashipundi gwelelo lyoNational Youth Council, Mandela Kapere okwa popi kutya elongo yopombanda moshilongo itali vulika we koyendji unene kaailongi mboka ya za oofamili dha hepa.
Okwa pula aakuthimbinga moshikondo shelongo pamwe nepangelo opo ya tule miilonga omikalo omipe ndhoka tadhi kandulapo uupyakadhi mboka wa taalela omukalo gwegandjo lyekwatho lyokwiilonga.
Kapere okwa popi kutya omulandu ngoka tagu longithwa, inagu tala kaailongi mboka taya lumbu moluhepo, noyendji otaya thiminikwa konkalo yokuya momapandanda molwaashoka itaya vulu iifuta yoouniversiti.
Okwa popi kutya ope na omikalo odhindji moka aailongi taya vulu okufuta omailongo gawo okupitila mooscholarships, bursaries nenge omikuli ihe omakwatho ngoka omashona noonkondo.
Okwa tskile kutya omathimbo galwe oompango nomilandu dha tulwapo uuna taku gandjwa omakwatho ngoka, odhi li pombanda noonkondo na itadhi vulika.
Kapere okwa tsikile kutya oshiketha shoNamibia Students Financial Assistance Fund (NSFAF) inashi longa nawa ngashi sha tegelelwa molwaashoka yamwe yomaailongi mboka ya li ya pewa ekwatho koshiketha shoka inaya shunitha omikuli dhoka ya pewa sho ya ningi aanashilonga.
Okwa pandula eidhopomo lyomuleli gwoshilongo moshikumungu shoNSFAF oshowo sho epangelo olya tokola okugandja oshimaliwa shoomiliyona 150 koshiketha shoka, opo shi vule okutsikile nokugandja ekwatho lyiimaliwa yokwiilonga kaailongi.
SHONA NGAVA
Omunashipundi gwelelo lyoNational Youth Council, Mandela Kapere okwa popi kutya elongo yopombanda moshilongo itali vulika we koyendji unene kaailongi mboka ya za oofamili dha hepa.
Okwa pula aakuthimbinga moshikondo shelongo pamwe nepangelo opo ya tule miilonga omikalo omipe ndhoka tadhi kandulapo uupyakadhi mboka wa taalela omukalo gwegandjo lyekwatho lyokwiilonga.
Kapere okwa popi kutya omulandu ngoka tagu longithwa, inagu tala kaailongi mboka taya lumbu moluhepo, noyendji otaya thiminikwa konkalo yokuya momapandanda molwaashoka itaya vulu iifuta yoouniversiti.
Okwa popi kutya ope na omikalo odhindji moka aailongi taya vulu okufuta omailongo gawo okupitila mooscholarships, bursaries nenge omikuli ihe omakwatho ngoka omashona noonkondo.
Okwa tskile kutya omathimbo galwe oompango nomilandu dha tulwapo uuna taku gandjwa omakwatho ngoka, odhi li pombanda noonkondo na itadhi vulika.
Kapere okwa tsikile kutya oshiketha shoNamibia Students Financial Assistance Fund (NSFAF) inashi longa nawa ngashi sha tegelelwa molwaashoka yamwe yomaailongi mboka ya li ya pewa ekwatho koshiketha shoka inaya shunitha omikuli dhoka ya pewa sho ya ningi aanashilonga.
Okwa pandula eidhopomo lyomuleli gwoshilongo moshikumungu shoNSFAF oshowo sho epangelo olya tokola okugandja oshimaliwa shoomiliyona 150 koshiketha shoka, opo shi vule okutsikile nokugandja ekwatho lyiimaliwa yokwiilonga kaailongi.
SHONA NGAVA