Omutumba gwoSwapo mOshikoto gwa kalekwa natango Nonando omutumba gwelelo lyoSwapo moshitopolwa shaShikoto ogwa Ii gwa kalekwa nokuundililwa kEtitatu lyoshiwike shika, omutumba ngoka natango inagu ningwa.
Amushanga-ndjai gwoSwapo, Nangolo Mbumba okwa lopotwa natango a kaleke kominute gwahugunina omutumba ngoka naashoka osha geyitha aakuthimbinga mboka ya ende okuza komahala ga yooloka okukakutha ombinga andola momutumba ngoka.
Omutumba ngoka tango ogwa li gwa kalekwa opo ku konaakonwe omadhina gaamboka taya ka kutha ombinga momutumba ngoka, ihe omukwatakanithi gwoshitopolwa shoka Armas Amukwiyu okwa popi kutya shoka hasho uupyakadhi we.
Okwa popi kutya ye okwa li a gwanitha po iinima ayihe mbyoka a li a lombwelwa a gwanithepo omanga omutumba ngoka inagu ningwa.
Okwa popi kutya aakuluntu yamwe mongundu oyali ya holola nokuli ekuthombinga lyawo momutumba.
Omutumba ngoka ogwa li gu na okukalako tango momasiku 24 gaJuni na ogwa undulilwa kOlyomakaya yapiti.
Inagu ningwa we mOlyomakaya na ogwa undulilwa kEtitatu lyoshiwike shika ihe inagu ningwa we natango.
Mombaapila ndjoka ya monika koNamibian Sun, Mbumba okwa popi mEtiyali kutya omutumba ngoka inagu vulu okuningwa molwaashoka aaleli yopashigwana mboka ya pewa oshitopolwa shoka itaya vulu okuholoka.
Amukwiyu okwa popi kutya ombaapila yaMbumba yomEtiyali otayi kwatelwa komeho komaiyuvo ge ihe ha kekotampango lyongundu.
“Nangame ondi uvite nayi. Ngele ope na oomaipulo ogendji ngoka kaagena omayamukulo mokati ketu, nangame kandi na omayamukulo ngoka, molwaashoka nangame otandi ipula kutya mbela uupyakadhi owuli peni,” Amukwiyu a lombwele aakuthimbinga mboka ya gongala mEtitatu mOmuthiya opo andola ya kala momutumba ngoka. Omukuthimbinga gumwe okwa nyana elelo lyoSwapo, kutya inali hala Amukwiyu molwaashoka ita yambidhidhwa we kOmupresidende Hage Geingob.
“Iinima mbika itayi ningwa molwaashoka Oshikoto oshi li mehalakano ihe otashi ningwa molwaashoka inaya hala omuntu gumwe ( Amukwiyu). Shoka kashi li pauyuuki molwaashoka oSwapo kayi shi yomuntu gumwe.”
“Ngele inaya hala Amukwiyu, naya popye owala kutya oya halela po lye.”
Amukwiyu okwa hogololwa a ka kuthe ombinga methigathano lyuukwatakanithi na ota kondjithwa kukansela nale gwoshikandjohogololo shaNayena Marx Nekongo.
Nekongo ina kala pomutumba ngoka gwa ningwa mEtitatu. Amukwiyu okwa popi kutya ota taamba ondjo ngele ongundu oye mu mono ondjo yokutaaguluka ekotampango lyongundu.
Omukokele gwoSwapo, Ngarikutuke Tjiriange, ngoka a li a hiwa onga gumwe gwomaapopi yasimana momutumba ngoka okwa li a thiki mOmuthiya mEtitatu na okwa pandula Amukwiyu. Okwa lombwele aakuthimbinga kutya naya kwatelepo uuwanawa woshilongo ihe ha oohandimwe.
“Omuna owala oshinima shimwe shoka mu na okukondjela noshinima shoka oshilongo sheni.”
KENYA KAMBOWE
Amushanga-ndjai gwoSwapo, Nangolo Mbumba okwa lopotwa natango a kaleke kominute gwahugunina omutumba ngoka naashoka osha geyitha aakuthimbinga mboka ya ende okuza komahala ga yooloka okukakutha ombinga andola momutumba ngoka.
Omutumba ngoka tango ogwa li gwa kalekwa opo ku konaakonwe omadhina gaamboka taya ka kutha ombinga momutumba ngoka, ihe omukwatakanithi gwoshitopolwa shoka Armas Amukwiyu okwa popi kutya shoka hasho uupyakadhi we.
Okwa popi kutya ye okwa li a gwanitha po iinima ayihe mbyoka a li a lombwelwa a gwanithepo omanga omutumba ngoka inagu ningwa.
Okwa popi kutya aakuluntu yamwe mongundu oyali ya holola nokuli ekuthombinga lyawo momutumba.
Omutumba ngoka ogwa li gu na okukalako tango momasiku 24 gaJuni na ogwa undulilwa kOlyomakaya yapiti.
Inagu ningwa we mOlyomakaya na ogwa undulilwa kEtitatu lyoshiwike shika ihe inagu ningwa we natango.
Mombaapila ndjoka ya monika koNamibian Sun, Mbumba okwa popi mEtiyali kutya omutumba ngoka inagu vulu okuningwa molwaashoka aaleli yopashigwana mboka ya pewa oshitopolwa shoka itaya vulu okuholoka.
Amukwiyu okwa popi kutya ombaapila yaMbumba yomEtiyali otayi kwatelwa komeho komaiyuvo ge ihe ha kekotampango lyongundu.
“Nangame ondi uvite nayi. Ngele ope na oomaipulo ogendji ngoka kaagena omayamukulo mokati ketu, nangame kandi na omayamukulo ngoka, molwaashoka nangame otandi ipula kutya mbela uupyakadhi owuli peni,” Amukwiyu a lombwele aakuthimbinga mboka ya gongala mEtitatu mOmuthiya opo andola ya kala momutumba ngoka. Omukuthimbinga gumwe okwa nyana elelo lyoSwapo, kutya inali hala Amukwiyu molwaashoka ita yambidhidhwa we kOmupresidende Hage Geingob.
“Iinima mbika itayi ningwa molwaashoka Oshikoto oshi li mehalakano ihe otashi ningwa molwaashoka inaya hala omuntu gumwe ( Amukwiyu). Shoka kashi li pauyuuki molwaashoka oSwapo kayi shi yomuntu gumwe.”
“Ngele inaya hala Amukwiyu, naya popye owala kutya oya halela po lye.”
Amukwiyu okwa hogololwa a ka kuthe ombinga methigathano lyuukwatakanithi na ota kondjithwa kukansela nale gwoshikandjohogololo shaNayena Marx Nekongo.
Nekongo ina kala pomutumba ngoka gwa ningwa mEtitatu. Amukwiyu okwa popi kutya ota taamba ondjo ngele ongundu oye mu mono ondjo yokutaaguluka ekotampango lyongundu.
Omukokele gwoSwapo, Ngarikutuke Tjiriange, ngoka a li a hiwa onga gumwe gwomaapopi yasimana momutumba ngoka okwa li a thiki mOmuthiya mEtitatu na okwa pandula Amukwiyu. Okwa lombwele aakuthimbinga kutya naya kwatelepo uuwanawa woshilongo ihe ha oohandimwe.
“Omuna owala oshinima shimwe shoka mu na okukondjela noshinima shoka oshilongo sheni.”
KENYA KAMBOWE