Omikanda dhuukongo tadhi gandjwa kwa lataEtseyitho lyopambelewa momushangwa gwepangelo inali ningwa Oshikako shuukongo osha tamekele pambelewa mesiku lyotango lyaMei ihe omikanda dhomapitiko guukongo inadhi thika natango moombelewa dhUuministeli wOmidhingoloko miitopolwa. Nonando oshikako shuukongo osha tamekele konyala omwedhi gwa piti, aakongo otaya nyengwa okumona oombaapila dhuukongo miitopolwa yimwe molwaashoka otadhi monika owala mOvenduka.
Oshikondo shoka oshowo aanafaalama oya popi kutya onkalo ndjoka oya etitha eshunitho monima lyoompangela dhawo na otaya gandja woo uusama kOshikondo shomidhingoloko kutya otashi ndopa okuya mekwatathano nayo.
Okwa hololwa kutya onkalo ndjoka oya etithwa sho uuministeli wa ndopa okutula pethimbo etseyitho lyuukongo mboka moGovernment Gazette onkene onkalo ndjoka oya etitha opo omikanda dhuukongo dhi vue okukala itadhi gandjwa manga miitopolwa.
Omunambelewa omukomeho gwoNamibia Agricultural Union, Sakkie Coetzee, okwa holola kutya onkalo ndjoka itayi vulu okwiidhidhimikilwa kaanafaalama mboka ngashiingeyi ye na okweenda iinano iile opo ya ye kOvenduka ya ka konge omikanda.
Coetzee okwa koleke kutya, monena omikanda ndhoka otadhi monika owala okuza moombelewa oonene dhuuministeli mOvenduka nonando oshikako shuukongo osha tameke mulyotango lyaMei.
Aakongo ohaya ningi omaindilo gawo okutameka petameko lyomwedhi ihe ngashiingeyi itaya vulu okumona omikanda dhawo miitopolwa.
NAU okwa popi kutya okwa tumu nale ombaapila yuuka kuamushanga gwuuministeli mboka, Malan Lindeque, momasiku 20 gApilili kombinga yeeguluko lyoshikako shoka negandjo lyomikanda miitopolwa.
Nonando ongaaka NAU okwa popi kutya sigo oshiwike sha piti, oombelewa dhiitopolwa itadhi vulu okugandja omikanda ndhoka molwaashoka inaku ningwa natango etseyitho momushangwa gwopapangelo.
Omukomeho gwoNamibia Professional Hunting Union (Napha), Tanja Dahl, okwa lombwele oNamibian Sun kutya onkalo ndjoka otayi gandja uupyakadhi koshikondo.
Pahapu dhe, etseyitho lyetameko lyoshikako shuukongo olya ningwa kwalata moGovernment Gazette naashoka osho sha etitha oombelewa dhUuministeli wOmidhingoloko dhi vule okukala itadhi vulu okugandja omikanda ndhoka.
Okwa popi kutya Napha okwa ningile omapulaapulo uuministeli oshiwike sha piti ihe inaya mona eyamukulo.
Oya lombwelwa owala kutya iitopolwa otayi ka vula okugandja omikanda mesiku lyotango lyaJuni.
Sho omunambelewa gwomauyelele goshigwana muuminsteli mboka aningilwa omapulaapulo, Romeo Muyunda, okwa koleke kutya etseyitho lyetameko lyuukongo mboka olya ningwa muApilili.
Okwa popi kutya opwali uupyakadhi wumwe mboka uuministeli itawu vulu okuholola.
Okwa popi kutya uuministeli otawu ka gandja etseyitho kutya oombelewa dhiitopolwa otadhi vulu okutameka okugandja omikanda, noshikako shuukongo osha tameka pambelewa.
Okwa ukitha omapulo agehe kuColgar Sikopo, ngoka e li omunambelewa omukomeho gwiikunino yiiyamakuti.
Sikopo okwa popi kutya uupyakadhi womeni owo wa etitha ekateko ndyoka ihe ina holola kutya uupyakadhi owashike.
Okwa gandja ombili kaanafaalama omolwa onkalo ndjoka.
Uuminiteli owa li wa pititha omukanda kutya oshikako shuukongo nuumvo otashi yi sigo omomwedhi Aguste.
Pethimbo ndyoka oshigwana otashi ka pitikwa okuyaha omaludhi giiyamakuti ya yoolola moofaalama dhopangeshefa ndhoka dha shangithwa .
ELLANIE SMIT
Oshikondo shoka oshowo aanafaalama oya popi kutya onkalo ndjoka oya etitha eshunitho monima lyoompangela dhawo na otaya gandja woo uusama kOshikondo shomidhingoloko kutya otashi ndopa okuya mekwatathano nayo.
Okwa hololwa kutya onkalo ndjoka oya etithwa sho uuministeli wa ndopa okutula pethimbo etseyitho lyuukongo mboka moGovernment Gazette onkene onkalo ndjoka oya etitha opo omikanda dhuukongo dhi vue okukala itadhi gandjwa manga miitopolwa.
Omunambelewa omukomeho gwoNamibia Agricultural Union, Sakkie Coetzee, okwa holola kutya onkalo ndjoka itayi vulu okwiidhidhimikilwa kaanafaalama mboka ngashiingeyi ye na okweenda iinano iile opo ya ye kOvenduka ya ka konge omikanda.
Coetzee okwa koleke kutya, monena omikanda ndhoka otadhi monika owala okuza moombelewa oonene dhuuministeli mOvenduka nonando oshikako shuukongo osha tameke mulyotango lyaMei.
Aakongo ohaya ningi omaindilo gawo okutameka petameko lyomwedhi ihe ngashiingeyi itaya vulu okumona omikanda dhawo miitopolwa.
NAU okwa popi kutya okwa tumu nale ombaapila yuuka kuamushanga gwuuministeli mboka, Malan Lindeque, momasiku 20 gApilili kombinga yeeguluko lyoshikako shoka negandjo lyomikanda miitopolwa.
Nonando ongaaka NAU okwa popi kutya sigo oshiwike sha piti, oombelewa dhiitopolwa itadhi vulu okugandja omikanda ndhoka molwaashoka inaku ningwa natango etseyitho momushangwa gwopapangelo.
Omukomeho gwoNamibia Professional Hunting Union (Napha), Tanja Dahl, okwa lombwele oNamibian Sun kutya onkalo ndjoka otayi gandja uupyakadhi koshikondo.
Pahapu dhe, etseyitho lyetameko lyoshikako shuukongo olya ningwa kwalata moGovernment Gazette naashoka osho sha etitha oombelewa dhUuministeli wOmidhingoloko dhi vule okukala itadhi vulu okugandja omikanda ndhoka.
Okwa popi kutya Napha okwa ningile omapulaapulo uuministeli oshiwike sha piti ihe inaya mona eyamukulo.
Oya lombwelwa owala kutya iitopolwa otayi ka vula okugandja omikanda mesiku lyotango lyaJuni.
Sho omunambelewa gwomauyelele goshigwana muuminsteli mboka aningilwa omapulaapulo, Romeo Muyunda, okwa koleke kutya etseyitho lyetameko lyuukongo mboka olya ningwa muApilili.
Okwa popi kutya opwali uupyakadhi wumwe mboka uuministeli itawu vulu okuholola.
Okwa popi kutya uuministeli otawu ka gandja etseyitho kutya oombelewa dhiitopolwa otadhi vulu okutameka okugandja omikanda, noshikako shuukongo osha tameka pambelewa.
Okwa ukitha omapulo agehe kuColgar Sikopo, ngoka e li omunambelewa omukomeho gwiikunino yiiyamakuti.
Sikopo okwa popi kutya uupyakadhi womeni owo wa etitha ekateko ndyoka ihe ina holola kutya uupyakadhi owashike.
Okwa gandja ombili kaanafaalama omolwa onkalo ndjoka.
Uuminiteli owa li wa pititha omukanda kutya oshikako shuukongo nuumvo otashi yi sigo omomwedhi Aguste.
Pethimbo ndyoka oshigwana otashi ka pitikwa okuyaha omaludhi giiyamakuti ya yoolola moofaalama dhopangeshefa ndhoka dha shangithwa .
ELLANIE SMIT