Nakudhipaga a gandja ombili komutekuli gwanakusa“A dhipaga okamwandje oko akeke nda li ndi na” Omunambelewa nale gwopolisi ngoka a monika ondjo moshipotha shedhipago lyomulumentu omugundjuka sha ningilwa pehala lyomanwino moKhomasdal, okwa gandja ombili kuyina yanakusa.
Ø
Justin Sunsu Simataa (31) okwa monika ondjo medhipago lyaFirmino Fabrice Mael (25) mOmpangu yoPombanda mOmaandaha.
Okwa monika woo ondjo moshipotha shonkambadhala yedhipago, okukutha mo ondjembo mehala lyamuni eyonagulo lyomaliko.
Okwa popi mompangulilo kutya okuuvite nayi omolwa oshiningwanima shoka.
“Edhipago kali shi oshinima shoka nda pangele okuninga ihe olya holoka owala,” nakumonika ondjo ta popi, na okwa gwedha po kutya kashi shi oshipu okukala wu shi shi kutya owa kutha omuntu omwenyo.
Momaandaha ompangu oya mono kutya Simataa kali ta kambadhala okwiigamena sho uumbu ondjembo nokudhipaga Mael oshowo okweehameka noonkondo Milikan Likando.
Simataa okwa manako iikuti ye mombistoli ye sho uumbu Mael iikando ihetatu, nokweehameka Likando niikuti itano omanga ya li ya kuutumba mohauto yaMael. Ompangu oya popi kutya eumbo lyoludhi ndoka kali shi eipopilo.
Omupanguli Nate Ndauendapo okwa popi kutya Simataa okwa kambadhala okufululukila nokwiikuthila ondjahi ye maagundjuka mbaka sho e ya umbu nonando oyali mehauto lya thikama.
Okwa tsikile kutya nonando Simataa okwa li a ponokela muMael nookuume ke eponokelo ndyoka olya li lya hula.
Nora Benneth, 68, omukiintu ngoka a tekula Mael sho a gandja uumbangi we mompangulilo pehala lyepangelo na okwa popi kutya omutamanekwa nenge ofamili ye inayi mu pa ombili omolwa edhipago lyaMael.
“Ofamili yaSimataa oye ya kefumbiko ihe oyali ya mwena, naasho ya kala taya holoka koompangu oya kala taya ihumbata pwa fa kape na shoka sha ningwa po,” Benneth ta popi kutya momuthigululwakalo gwawo shoka ihashi idhidhimikilwa.
Nonando ongaaka okwa popi kutya okwa taambako ombili yaSimataa ndjoka a gandja mompangu.
“Onda kanitha okanona kandje oko akeke. Uululume uudhigu unene. Kanda li handi kotha moomvula mbali dhopetameko konima sho ka dhipagwa. Osha li oshidhigu noonkondo, ihe onda taambako ngashiingeyi kutya okanona kandje okadhipagwa.”
Okwa popi kutya okatekulu ke oka valwa konima yeso lyaMael, na okwa li eshi nale kutya Mael okwa gandja etegelelo.
“Onda yi mokandiileli keli momambo ge na okwa li a shanga mo kutya muSepetemba gwo-2012 okanona ke otaka valwa,”
Okwa popi natango kutya yina yokatekulu ke okwe mu dhengele ongodhi omasiku omashona konima yefumbiko lyaMael nomukiintu ngoka okwe mu dhengele ta popi kutya oye na okanona naMael na okwa pumbwa omauthemba gahe yokanona opo a kaningile okanona onzapo yevalo.
“Tango kanda li nda hala okwiitala, ihe sho twa yi nayina yaMael opo tu katale okanona okwa dhidhilike mbala kutya okanona okomona.”
“Okanona oka fa omumwandje. Okanona oke na omeho omawanawa,” Nora ta ti.
Oshipotha shika osha undulilwa komasiku 20 gaApilili opo ku ka gandjwe egeelo.
FRED GOEIEMAN
Ø
Justin Sunsu Simataa (31) okwa monika ondjo medhipago lyaFirmino Fabrice Mael (25) mOmpangu yoPombanda mOmaandaha.
Okwa monika woo ondjo moshipotha shonkambadhala yedhipago, okukutha mo ondjembo mehala lyamuni eyonagulo lyomaliko.
Okwa popi mompangulilo kutya okuuvite nayi omolwa oshiningwanima shoka.
“Edhipago kali shi oshinima shoka nda pangele okuninga ihe olya holoka owala,” nakumonika ondjo ta popi, na okwa gwedha po kutya kashi shi oshipu okukala wu shi shi kutya owa kutha omuntu omwenyo.
Momaandaha ompangu oya mono kutya Simataa kali ta kambadhala okwiigamena sho uumbu ondjembo nokudhipaga Mael oshowo okweehameka noonkondo Milikan Likando.
Simataa okwa manako iikuti ye mombistoli ye sho uumbu Mael iikando ihetatu, nokweehameka Likando niikuti itano omanga ya li ya kuutumba mohauto yaMael. Ompangu oya popi kutya eumbo lyoludhi ndoka kali shi eipopilo.
Omupanguli Nate Ndauendapo okwa popi kutya Simataa okwa kambadhala okufululukila nokwiikuthila ondjahi ye maagundjuka mbaka sho e ya umbu nonando oyali mehauto lya thikama.
Okwa tsikile kutya nonando Simataa okwa li a ponokela muMael nookuume ke eponokelo ndyoka olya li lya hula.
Nora Benneth, 68, omukiintu ngoka a tekula Mael sho a gandja uumbangi we mompangulilo pehala lyepangelo na okwa popi kutya omutamanekwa nenge ofamili ye inayi mu pa ombili omolwa edhipago lyaMael.
“Ofamili yaSimataa oye ya kefumbiko ihe oyali ya mwena, naasho ya kala taya holoka koompangu oya kala taya ihumbata pwa fa kape na shoka sha ningwa po,” Benneth ta popi kutya momuthigululwakalo gwawo shoka ihashi idhidhimikilwa.
Nonando ongaaka okwa popi kutya okwa taambako ombili yaSimataa ndjoka a gandja mompangu.
“Onda kanitha okanona kandje oko akeke. Uululume uudhigu unene. Kanda li handi kotha moomvula mbali dhopetameko konima sho ka dhipagwa. Osha li oshidhigu noonkondo, ihe onda taambako ngashiingeyi kutya okanona kandje okadhipagwa.”
Okwa popi kutya okatekulu ke oka valwa konima yeso lyaMael, na okwa li eshi nale kutya Mael okwa gandja etegelelo.
“Onda yi mokandiileli keli momambo ge na okwa li a shanga mo kutya muSepetemba gwo-2012 okanona ke otaka valwa,”
Okwa popi natango kutya yina yokatekulu ke okwe mu dhengele ongodhi omasiku omashona konima yefumbiko lyaMael nomukiintu ngoka okwe mu dhengele ta popi kutya oye na okanona naMael na okwa pumbwa omauthemba gahe yokanona opo a kaningile okanona onzapo yevalo.
“Tango kanda li nda hala okwiitala, ihe sho twa yi nayina yaMael opo tu katale okanona okwa dhidhilike mbala kutya okanona okomona.”
“Okanona oka fa omumwandje. Okanona oke na omeho omawanawa,” Nora ta ti.
Oshipotha shika osha undulilwa komasiku 20 gaApilili opo ku ka gandjwe egeelo.
FRED GOEIEMAN